“الأزهر أفتى إننا ننزله بس مكنتش هعرف أسامح نفسي”.. تصريحات حازم إيهاب عن مولوده المتوفي

حل الفنان حازم إيهاب، ضيف على برنامج “رمادي” الذي تقدمه الإعلامية عبير بسيوني، عبر حسابها الرسمي بموقع التواصل الإجتماعي فيسبوك، والذي كشف خلاله عن مرض ابنه يوسف ورفضه لإجهاضه رغم تصريح فتوى الأزهر بذلك.

تحيا مصر يرصد في ذلك التقرير تصريحات حازم إيهاب عن نجله المتوفى

حازم إيهاب: أول ما عرفنا إنه ولد عرفنا إن في غرفة من غرف القلب مكانتش شغالة

كشف حازم إيهاب عن تفاصيل مرضه وهو في بطن والدته، فقال: “كانت منة في الشهر الخامس، وأول ما عرفنا إنه ولد عرفنا إن في غرفة من غرف القلب مكانتش شغالة، وممكن نستنى شوية وقت وممكن تشتغل، والأزهر أفتى لي إن إحنا ننزله، بس أنا مكانش عندي المنطلق ده”.

وتابع حازم إيهاب حديثه، قائلا: "يونس لما جه منة مكانتش عارفة إنه دخل العمليات، ودي كانت مشكلة أكبر بكتير. نقلناه المستشفى، وفضلنا نقول لمنة إنه تحت في الحضانة، كام يوم وابتديت أسرسب لها المعلومات واحدة واحدة".

حازم إيهاب عن إجهاض طفله: مكنتش هعرف أسامح نفسي

وتطرق حازم إيهاب بالحديق عن رفضه لإجهاض طفله، فقال: "أنا تفكيري اللي ربنا كاتبه له هيشوفه، أكيد ربنا مش هيبقى عايزه يتعذب، بس مش هعرف أسامح نفسي إني ممكن أنزله، وأرجع أطارد نفسي بعدها بكام شهر، وأقول إفرض كنت سيبته يكمل، مش جايز كان ربنا حط فيه معجزة".

وأضاف خلال البرنامج: “ابني كان مكتوب له إنه ييجي الدنيا ويقعد معانا 13 يوم، وهيروح للي خلقه تاني، يعني كان ضمن الجنة من غير أي حاجة”.

مواقف عاشها حازم إيهاب بعد وفاة نجله

وتحدث حازم إيهاب عن مواقف عاشها بعد وفاة نجله، فقال: “من سذاجتي كأول مرة أحضر الموقف ده، أول حاجة عملتها كلمت حد حجزلي قاعة عزاء، وبعدها اكتشفت إن الإطفال مفيش لهم عزاء، ومن سذاجتي بردو باخد يونس وهو يا حبيبي في الكفن، ورايحين نصلي عليه، فإمام المسجد قال يا حبيبي إحنا بنصلي على المتوفي عشان ربنا يخفف عنه ويرحمه، ده نصلي عليه ليه؟ إحنا نحاول نتمحك فيه عشان يدخلنا الجنة معاه”.

جدير بالذكر، أنه توفى مولود حاز إيهاب في يوم 2 من شهر مارس، بعد خضوعه لعملية دقيقة في القلب، وذلك بعد 12 يوم من ولادته، وأعلن نبأ الوفاة الفنان حازم إيهاب من خلال خاصية “ستوري” بموقع تبادل الصور والفيديوهات “انستجرام”.