سيف عبد الرحمن: معاش النقابة ميكفيش عشوة.. وأعرف نجوم بيشتغلوا على تاكسيات

كشف الفنان سيف عبد الرحمن عن أسباب ابتعاده عن الأضواء في الفترة الأخيرة، وأكد على أنه يوجد عدد كبير من النجوم الكبار يعانون من ضائقات مالية بسبب قلة عملهم.

تحيا مصر يرصد أبرز تصريحات سيف عبد الرحمن

كما أوضح سيف عبد الرحمن أنه بصحة جيدة ولكن لم تعرض عليه أعمال فنية، حيث قال في لقاءه ببرنامج “من مصر”: “للأسف مش عارف ايه اللي حصل، يعني أنا موجود الحمد لله وصحتي كويسة وأقدر أشتغل وفي زيي زمايل كتير أوي مش عايز اقول اسامي باعوا عربيتهم وبيشتغلوا على تاكسيات مع أنهم نجوم كبار”.

تقصير الدولة تجاه الفنانين

وأشار عبد الرحمن أنه لابد من تزايد اهتمام الدولة بالفن والفنانين، حيث قال: “لازم الدولة تهتم بالقيم اللي عندها، وبعدين مينفعش بس أنك تشتغل بس على خمسة ستة، والزمن الغريب اللي احنا فيه دا، ويقولك القطاع الخاص هو اللي بيعمل كدا، وحقه علشان يكسب بس فين بقى الدولة، فين المنافسة الشريفة”.

وتابع قائلًا: “طول عمر الدولة بتعمل أفلام مهمة وحلوة زي الأرض والزوجة الثانية ورأفت الهجان، فين دا، احنا عندنا طاقة هايلة والناس كلها بتحبها طب ما تعمل”.

معاش النقابة

ومن جانبه أكد سيف عبد الرحمن على أنه يوجد تقصير من ناحية النقابة من حيث قدر المعاش وتحقيق التكافؤ، حيث قال في حواره على شاشة تلفزيون قناة “سي بي سي”: “وفين النقابة مع احترامي للدكتور أشرف عامل مجهود هايل لكن العمل محصور في خمسة ستة طب ليه مش بيتوزع على الآخرين، هما من حقهم يعملوا عمل أو عملين ولما يعملوا عمل تالت يدفع للنقابة وللناس اللي مش بتشتغل”.

وأضاف قائلً: “احنا المعاش بتاع النقابة 700 جنيه ميكفوش عشوة، دا معاش فنانين مصر العظام لأن النقابة معندهاش دخل فالناس اللي بتشتغل وبتكسب وبتاخد ملايين تدفع لزمايلها، فين التكافل، فين الرحمة فين المودة فين الزمالة ”.

أخر أعمال سيف عبد الرحمن

ومن الجدير بالذكر أن أخر أعمال سيف عبد الرحمن مسلسل “الإمام الغزالي” الذي تم عرضه سنة 2012 من بطولة محمد رياض، ونرمين الفقي.