نعيم عيسى: المعاش مش بيكفيني.. ومفيش حد فكر يكرمني

كشف الفنان القدير نعيم عيسى عن معاناته من ضائقة مالية بعد توقفه عن التمثيل، بالإضافة إلى استيائه من المناسبات الفنية التي لا تذكره ولا تكرمه.

تحيا مصر يرصد أبرز تصريحات نعيم عيسى

وأكد في لقائه ببرنامج “واحد من الناس” مع الإعلامي عمرو الليثي أن سبب ابتعاده عن التمثيل هو دوره في مسلسل “شارع عبد العزيز”، حيث قال: "أخر عمل شاركت فيه كان مسلسل شارع عبد العزيز ومكنتش مبسوط من دوري عشان كان مشهد واحد وجمل محدودة، فأنا اتضايقت وزعلت وقولت يعني بعد الانتصارات بتاعتي دي كلها في الأخر يدوني مشهد واحد، وقولت والله ما أنا همثل بعد كدا".

معاناة نعيم عيسى صحيًا وماليًا

ومن جانبه أوضح نعيم عيسى أن الدكتور أشرف زكي نقيب الممثلين هو الوحيد الذي وقف بجانبه في مرضه، حيث قال: “قعدت بعد مسلسل شارع عبد العزيز ست سنين منغير شغل، وتعبت وعييت ودخلت المستشفى مرتين، والدكتور أشرف زكي هو الوحيد اللي كان بيقف جمبي وبيعالجني، ومحدش من الفنانين زارني ولا سأل عليا”.

وعن قيمة معاشه قال نعيم: “بقالي أكتر من 10 سنين مجاليش عمل فني، ويادوبك عايش أنا وولادي على المعاش، والمعاش مش بيكفيني، عشان عايش في شقة إيجار جديد بـ 1.200 جنيه في الشهر، وبجيب علاج في حدود 2000 جنيه”.

وتابع قائلًا: “لما ببقى بعيد عن دايرة الأضواء والشغل بحس بحسرة كبيرة وببقى متضايق.. ليه أنا انتهيت كدا.. ليه انتهيت عيان ومريض ونايم في البيت.. ليه محدش بيبعتلي.. ليه مش بيزوروني.. منهم لله”.

وأضاف: “بتضايق لما تيجي مناسبات فنية ولا يتم ذكري أو تكريمي، ولكن هعمل ايه، بشوف وبتفرج في التلفزيون بيكرموا ناس كتير ولا حد فكر يكرمني”.

مسلسل “شارع عبد العزيز”

ومن الجدير بالذكر أن أخر أعمال الفنان القدير نعيم عيسى مسلسل “شارع عبد العزيز” الذي تم عرضه على شاشات التلفزيون يوم 31 من شهر يوليو سنة 2011، وكان من بطولة عمرو سعد، علا غانم، سامي العدل، وغيرهم، ومن تأليف أسامة نور الدين، وإخراج أحمد يسري.