محمد يحيى يكشف تفاصيل أولى تجاربه الغنائية من خلال أغنية "الأغنية"

كشف الملحن محمد يحيى سبب اتجاهه إلى مجال الغناء من خلال طرحه لأغنية “الأغنية”، بالإضافة كشفه عن تفاصيل وكواليس الأغنية، وتوقعاته عن نجاحها، كما تحدث عن استمراريته في مجال التلحين.

تحيا مصر يرصد تفاصيل أولى تجارب محمد يحيى في الغناء

حيث قال محمد يحيى في لقاءه ببرنامج “Trending”: “أنا حسيت أني طول عمري بعمل أغاني وطول عمري بعمل ألحان، والحمد لله معظم ألحاني نجحت مع كل النجوم اللي في الوطن العربي، فحسيت أن محدش هيعرف يقول أغنية اسمها الأغنية غيري أنا بما أني صانع”.

تفاصيل أغنية “الأغنية”

وكشف محمد يحيى عن كواليس أغنيته الجديدة قائلًا: “كان بقالها أربع سنين شايلها لحد ما اتقابلت أنا وصديقتي الأستاذة نادين طرابية، وسمعتها عندي في الاستديو الخاص بتاعي في مصر وقولتلها يا نادين أنا عامل الأغنية دي ف فورًا اقتنعت بيها وقالتلي الأغنية دي هنعملها مع بعض”.

وتابع محمد يحيى قائلًا: “وإن شاء الله الأغنية هتبقى إنتاج مشترك ما بيني وبين بلاتنيوم إم سي، وبدأت اشتغل على المازيكا وأخدت مني وقت والغنا كمان”.

توقعات محمد يحيى للأغنية

كما أوضح محمد يحيى أنه يتوقع نجاح كبير للأغنية، حيث قال: “أنا شخص اللي بيعرفني على المستوى الشخصي سواء صحاب أو أصدقاء أو فنانين بيحبوني، يعني بتوسم في نفسي أني عندي قبول وشخصيتي سهلة وبسيطة ومعنديش عقد، فأتمنى لما الناس تسمعها بردو مني تحبها دا اللي أنا بستناه”.

استمرار محمد يحيى في التلحين

وأكد محمد يحيى أنه لن يتوقف عن التلحين لأنه يعتبر جزء كبير من كيانه، حيث قال: “بفكر في فكرة غناء الملحن محمد يحيى، لأن أنا كياني وحياتي وتكويني لمستقبلي جه من الملحن ف أنا بقدسه جدًا، وبحترمه أوي وبفرح له أوي لما بيعمل أغنية يغنيها مطرب وتنجح والناس تغنيها”.

وأضاف قائلًا: “لأن أنا مقدرش أحط في حنجرتي اللي هي ممكن يكون لها نطاق معين لكل الطبقات الموسيقية اللي أنا عايز اعملها ف عمرو دياب غير اليسا غير شيرين فأنا معايا ماتريال كتير اشتغل بيها ف ليه احصر نفسي في فكرة أني أغني، أنا بسمي دا غباء فني وبسمي الصح أنك متبخلش بفنك على حد وفي نفس الوقت متبخلش على نفسك”.