حصلنا غسيل مخ من السلفيين وحفلات مطربي الراب بيكون فيها جمهور أكتر من عمرو دياب.. تصريحات نارية لـ مدحت العدل

فجر الشاعر والسيناريست مدحت العدل عدد من التصريحات النارية عن الراب والفن، وذلك خلال حواره مع ياسين زهران في برنامج ياسين بودكاست المذاع عبر موقع الفيديوهات الشهير يوتيوب.

ويرصدها تحيا مصر خلال السطور التالية:

أبرز تصريحات مدحت العدل

الشاب اللي عنده 22 سنة يحب أن يسمع ويجز لأنه يمثله أكثر من عمرو دياب الي يمثل جيله هو

احنا حصلنا غسيل مخ لمدة 50 سنة من السلفيين أن الفن نفسه حرام

فيه استسلام واضح لإنه مايكونش فيه أغاني في رمضان

ليه؟ هو احنا يعني هنقول إيه في الأغاني اكفروا بالله مثلا

اللي طور الموسيقي ثلاثة هم سيد درويش واللي غنى لكل فئات المجتمع الحشاشين والكوكايين والصنايعية

وبعده الرحبانية وآخرهم بليغ حمدي وبعد كده موسيقى عادية

أي فنان نرجسي بطبعه

النقابة مش مهمتها تقول مين يغني ايه وامتحان صوت ده بيتعمل عشان الناس تسقط

في باريس المهرجانات شغالة وتذاكر الحفلات بتكون خلصانة كلها

حفلات الراب بيكون في 150 ألف أكتر من حفلات عمرو دياب

عمرو دياب كان لي 3 شرايط منجحوش وطريقه بدأ من أغنية شوقنا

فيلم أيس كريم في جليم اتكتب 3 مرات ومعجبش خيري بشاره لحد ما كتبت العمل بروح شاب عنده 35 سنة وكان ده عمري وقتها

مدحت العدل يعلق على أزمة أغنية للي

على الصعيد الآخر، علق الشاعر والسيناريست مدحت العدل أثناء مداخلته الهاتفية ببرنامج "كلمة أخيرة"، أ على ازمة أغنية "للي" تأليف الفنان أكرم حسني وتلحينه وغناء الفنان محمد منير.

وتابع: أصعب أنواع الكتابة هي الشعر اللي يبدو ساخر، ويحتاج لمقدرة خاصة، والفنان أكرم حسني أكبر من إنه يأخذ شطر شعري من أغنية أخرى، والكتابة على نفس الوزن والقافية في الشعر أمر موجود طول الوقت

وأضاف:«فى بعض الأحيان كسيناريست أو شاعر يعلق في ذهنى جزء من بيت شعرى، قد يعلق في ذهني وأنا لا أعلم مصدره، هنا لا نعتبره سرقة إطلاقا، معنى بيت الشعر الموجود، عامل زي ما يكون مثل شعبي اللي حضّر العفريت يصرفه، ووجهة نظري المتواضعة مع احترامى للشاعر أنه لا توجد سرقة إطلاقا».

وأكمل: «عاوزين الأمور تهدى والشاعر القوي يثبت نفسه، الجملة من وجهة نظري عادية، مش أعظم إبداع، كلام عادي ممكن الشخص يقوله، قد علق في ذهن أكرم وكتبه، والشاعر من حقه يغير على شعره.. وأكرم حسني أكبر من إنه ياخد شطرة يحطها في غنوة».