راندا البحيري تعلن انضمامها لقناة الشمس “هقدم برنامج هادف” | تفاصيل

كشفت الفنانة راندا البحيري عن إنضمامها لشاشة قناة الشمس، وصرحت عن التفاصيل كاملة عبر حسابها الرسمي بموقع تبادل الصور والفيديوهات الشهير انستجرام

تحيا مصر يرصد لكم تفاصيل إنضمامها لقناة الشمس 

راندا البحيري تنضم لقناة الشمس 

وكتبت عبر انستجرام: “حبايبي وأصحابي علشان إنتوا أقرب ناس ليا، حبيت أبلغكم إني مضيت مع قناة الشمس، قناة الشمس برنامج جميل جداً اسمه “the book” “الكتاب”، فكرة و تنفيذ الاستاذ سيد عبد الرازق وإخراج المحترم محمد چيمي.

وتابعت: عايزه أشكر الساده القائمين علي القناه لأن الفكرة دي فكرة توعوية جميلة هادفة جداً وعلشان قناة تتحمس لإنتاجها يبقي أكيد القناه بتحترم عقل المشاهد.. بحبهم جدًا في قناتي اللي هكون جزء منها و مبسوطة أوي بالتجربه اللي هتبتدي بيكم و ليكم و أتمني أنجح فيها علشانكم برضه”.

راندا البحيري ترد على منتقديها

وجدير بالذكر، أن كشفت الفنانة راندا البحيري حقيقة قلة مشاركتها في الأعمال الفنية، مؤكدة أنها تخوض خلا تلك الفترة 3 أعمال فنية جديدة من المقرر ان يعرضوا خلال الفترة المقبلة، ووجهت رسالة صارمة لمروجي تلك الشائعات.
كتبت راندا البحيري عبر حسابها الرسمي بموقع التواصل الإجتماعي “فيسبوك”: “معرفش اشاعات ايه اللي طالعة اليومين دول اللي بيتقال فيها اني فاضية … كل ده علشان متفاعله معاكم علي فيسبوك؟  كل ده علشان بشجع الكره و متابعاها؟، امال لو شرفتوني علي انستجرام و علي بقية المنصات هتقولوا ايه؟".
واختتمت راندا البحيري حديثها: “ عموما انا مبردش، انا هخلي ال ٣ أفلام اللي بصورهم يردوا عليكم، يا صفرا يا اللي شاغله دماغك بيا، موتي بغيظك يا صفرا”.

آخر أعمال راندا البحيري

وكانت آخر أعمال راندا البحيري، عرض مسرحية “الجريمة” لمدة 10 أيام على مسرح النهار بالقصر العيني، تحت رعاية الدكتور أشرف زكي، التي وجهت رسالة شكر له، قالت فيها: “ دايما في ضهرنا يا دكتور ودايما سند لينا.. مسرح الجريمة الحمد لله نجاح كبير جدًا، إنتاج نقابة المهن التمثيلية بمسرح النهار بالقصر العيني بجوار كليه صيدلة إخراج المبدع محمد علام”.