رشا شيحة عن شقيقتها حلا شيحة: كانت شاطرة في الرقص وكانت بتقلد مايكل جاكسون

كشفت الفنانة رشا شيحة مفاجأة عن شقيقة شيحة، وذلك في برنامج La joie de vivre الذي يذاع عبر موقع الفيديوهات الشهير يوتيوب.

تحيا مصر يرصد تصريحات شقيقة حلا شيحة عنها

حلا شيحة وعلاقتها بالرقص

وقالت رشا شيحة خلال لقائها: بحب دايمًا أقول أني بنت أحمد شيحة وفخورة أني بنته، والرقص بالنسبة لي هو تعبير عن نفسي، وحلا كانت شاطرة في الرقص.. كانت بتقلد مايكل جاكسون جدًا، والرقص عندي يساوي بهجة وتخلي، وأنا برقص رقص تعبيري مش شرقي أو غربي وكل الناس بتعرف ترقص.

وأضافت رشا شيحة: لسه موصلتش لمرحلة الرضا الكافية، ومش كل الناس بتدور على الرضا بسبب اللغط اللي احنا فيه، ووجود السوشيال ميديا، والناس بتبحث أكثر عن السعادة من الرضا، والأمومة بالنسبالي هي الحقيقة، والحب ملوش أي شروط هو بيكون من القلب.

حقيقة انفصال حلا شيحة عن معز مسعود

على الصعيد الآخر، كشفت الفنانة المعتزلة حلا شيحة حقيقة طلاقها من زوجها معز مسعود عبر حسابها الرسمي بتطبيق «إنستجرام» قائلة: «لكل المتابعين والمحبين على صفحتي وفي الوطن العربي، حابة أقولكم مفيش أي خبر اتكتب عن معز وعني يخص الطلاق صحيح، وكلامي في البوست اللي فات كان كلام عام ولم أقصد به حد معين أبدا».

وأضافت: «معز بعيد عن الكلام ده تماماً، بالعكس، هو سبب كبير لحاجات جميلة في حياتي وحياة أولادي، ومشفتش كتير زي أخلاقه واحترامه، وعيب الكلام اللي بيتقال على صفحات السوشيال ميديا، كله مش صح أبداً».

وتابعت: «والله في مشاكل أكبر بكتير وحاجات أهم بكتير ممكن نتكلم فيها، وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كدة».

وأردفت: «بالنسبة لحجابي أنا قلت بحاول زيي زي بنات كتير وأكيد مش أحسن حاجة، بس أنا كدة دلوقتي والحمد لله، وأنا مش شيخة، أنا إنسانة عادية جداً، ليا حسناتي وليا سيئاتي، والبشر كلهم كدة، فبلاش حد يزايد على حد وبدل ما تتريق أو نقول كلام مش مهم نكون متصالحين مع نفسنا ونبطل نحكم على بعض، إحنا بشر مش ملايكة، يالا أنا مسامحة الكل معلش بشر برده».