جوزي حاول يسرق شقتي وهاخد حقي بالقانون.. تصريحات البلوجر مريم سيف

كشفت البلوجر مريم سيف عن تعرضها لسرقة شقتها بعد رجوعها من السفر خلال الأيام الماضية، وتحدثت عن التفاصيل كاملة عبر حسابها بإنستجرام من خلال خاصية ستوري

تحيا مصر يرصد لكم تصريحات مريم سيف بتهجم شخص غريب عليها 

تعرض مريم سيف لسرقة شقتها 

وقالت مريم سيف :انا لملمت كلامي، وده اعتذار للمحامي بتاعي رسمي وشكرًا جدًا، بعتذرلك على اللي حصلك واللي حصلي، أنا أسفالك إني حطيتك في وش ناس كده.
وتابعت: واللي حصل إني رجعت من السفر على بيت مامتي عشان بنتي كانت عندها، وراجعة بفتح باب الشقة لاقيته مبيتفتحش، والكالون متغير مع إن دي شقتي وبأسمي يعني مش شقة زوجي، دي بفلوسي وبأسمي.

وأردفت مريم سيف، قائلة: لقيت بطجي ووراه... طبعًا كل حاجة متصورة عشان ميطلعش يقول كذب وبتاع الفيديوهات كلها راحت للمحكمة خلاص من يومها، وربع ساعة لاقيت بلطجي داخل، بيقولي ايه دي شقتي أنا اطلعي منها، لولا إن المحامي جه في ثانية، متخيلين لو بنتي كانت معايا كان ايه حصل ولا لو محمود مكنش موجود اصلًا.

البلوجر مريم سيف تتعرض للسرقة من زوجها

وأضافت مريم: وجه المحامي ومعاه ورقي، اكيد أنا مش غبية عشان أحط كل أوراقي الحكومية في الشقة عندي، وجه محمود قال للبلطجي خير عايز ايه؟ وفجأة البلطجي لقى نفسه بيتصور، وأنا شايفة بصراحة أنه كتير عليا أوي اللي بيحصل ده.

واستكملت البلوجر حديثها، قائلة: طبعًا ده جه في صالحي وعرفت اخلص شوت قضايا كتير جدًا وسنة ونص وسنتين في يوم وليلة.

مريم سيف: واحد اتهجم عليا وكان معاه زوجي

وكشفت عن هوية الرجل الذي تهجم عليها كما فجرت مفاجأة بتواجد زوجها محمد شرف معه، قائلة: وطبعًا كان معاه جوزي.. ولقوا ان هما بيتصوروا ولولا الحركة دي الحمد لله محمود عرف يجبلي حقي واختصر سنة ونص قواضي.
ووجهت رسالة شكر للمحامي الخاص بها، قائلة: بشكرك جدًا يا محمود وأنا واثقة إن باقي القواضي كمان هتخلص اسرع واسرع على ايدك، بعد ايه يا استاذ البلطجي اللي لا عمري ما شوفتك ولا اعرفك اصلا!! وأخرك كام الف جنيه تتهجم بيهم على ست لوحدها!! ومجيبتش ورا غير اما شوفت الكاميرا بكل حاجة! وعرفت فالاخر أنا مين وممكن انزل صورتك بس انا مش هعملها عشان عندك ولاد يا حسام وحقي معاك بالقانون.

مريم سيف: محدش يقولي ربنا يردكوا لبعض

واختتمت مريم سيف حديثها: بس الفيديوهات دي كده كده في المحكمة وفي النقابة بتاعتك، يعني متعلم وكمان بلطجي!! عرفتوا انها مش بالشهادات!! ومحدش يبتعلي يقولي ربنا يردكوا لبعض، قولولي بس ربنا يبعد عنكم ولاد الحرام، ويبعد عنك الشخص ده انا مقدرة ان ممكن ميكونش في وعيه وحد ضاحك عليه.