نادر أبو الليف: "الناس في النقابة معملوش بالعشرة معايا وسمعت إن شاكوش دفع رشوة"

تحدث الفنان نادر أبو الليف عن تطورات حالته الصحية والوعكة الصحية التي مر بها مؤخرًا وموقف نقابة المهن الموسيقية معه.

تحيا مصر يرصد تصريحات نادر أبو الليف عن أزمته الصحية

تصريحات نادر أبو الليف

قال الفنان نادر أبو الليف في مداخلة هاتفية له مع الإعلامية أميرة بدر ببرنامج "الترابيزة" المذاع عبر شاشة قناة الشمس الفضائية: “الدكاترة قالوا حسب الأشعة إن رئتي الشمال بايظة”.

وأضاف: "ورئتي اليمين نسبة كفاءتها 15 %، وعضلة القلب كفاءتها 25%، وعندي رشح ميه، وجلطتين في رجلي اليمين وجلطتين في رجلي الشمال".

واستكمل قائلًا: "ربنا قدرني واتصرفت في 88 ألف جنيه من أصحابي ودفعتهم للمستشفى وخرجت، وكلمت المايسترو أحمد رمضان في النقابة طلب مني فاتورة وتقرير بالحالة".

الحالة الصحية لـ نادر أبو الليف

وتابع نادر أبو الليف كلامه: "الناس اللي في النقابة إخواتي وعشرة وزملاء دراسة في الأكاديمية، لكن للأسف كلهم معملوش بالعشرة والصداقة والعيش والملح".

وهاجم نقابة الموسيقيين وقال: “النقابة بتتنهب لازم جهاز الرقابة الإدارية يدخل النقابة ويشوف وأنا سمعت إن حسن شاكوش دفع 500 ألف جنيه لحد و700 ألف لأعضاء في المجلس للحصول على التصريح”.

وكان قبلها قال نادر أبو الليف في مداخلة هاتفية له ببرنامج “الوسط الفني”: “دخلت مؤخرًا العناية المركزة وعملت جراحة ودفعت 88 ألف جنيه، ومستلفهم عشان أدفعهم للمستشفى”.

واستكمل: “النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي، هما دول اللي انتخبناهم في المجلس، حرام عليكم، لو اتعرض عليا النهارةه أي حاجة هوافق عشان أوفر الأكل للأربعة اللي في رقبتي مراتي وعيالي التلاتة”.

نادر أبو الليف ونقابة الموسيقيين

وتابع: “حلو تاخد مني ضريبة على أي فرح أو أي حفلة، ولما أتعب ملاقيكش في ضهري، اشمعنا متقفوش جمبي وأنا مافيش شغل، وحلمي عبد الباقي مش في إيديه الإمكانيات أنه يعمل لي حاجة”.

واختتم كلامه: “أنا معاشي 900 هيأكلولي عيالي إزاي؟ من مدارس وأكل وشرب، بقالي شهر مقدم الطلب لـسكرتير النقابة ووكيلها ومحدش بيرد عليا ولا يعبرني”.

يذكر أن الفنان نادر أبو الليف كان قد تعرض لحادث خطير من خلال حسابه الرسمي بموقع التواصل الاجتماعي فيس بوك، وقال: "ألف حمد وشكر ليك يا رب والله ربنا نجاني أنا ومراتي وولادي الثلاثة لأن عربيتي ولعت وربنا نجانا، وده بسبب العين والحسد والقر.. يا ناس يا شر كفاية قر والعين صابتني ورب العرش نجاني والحمد لله".