ميسرة: "ممكن أتجوز راجل متجوز لو مراته مقصرة معاه"

حلت الفنانة ميسرة، ضيفة على برنامج “كلام الناس” المذاع عبر قناة mbc مصر، وتقدمه الإعلامية ياسمين عز، وذلك بعد غياب طويل عن الساحة الفنية تخطى سنوات عديدة.

تحيا مصر يرصد في ذلك التقرير تصريحات ميسرة عن الزواج

ميسرة: الراجل المصري بوشين ومش بيفرق معاه غير كلام الناس

تحدثت ميسرة خلال البرنامج عن مواصفات فتى أحلامها ورأيها في الرجل المصري واللبناني، مشيرة إلى أن 75% من الرجال الشرقيين لا يعملون بما يقولونهم خاصة الرجل المصري الذي ينشغل دائما مع كلام الناس تاركا متعته هو وزوجته جانبا، فضلا عن ظهوره أمام زوجته بشكل مختلف عن وجهه مع الأشخاص الأخرين، على عكس الرجل اللبناني الذي يكون كل همه هو الأستمتاع مع زوجته فقط.

ميسرة: أنا مش مضربة على فكرة الجواز بس لازم يكون مناسب ليا فكريا

وتابعت ميسرة حديثها: “الراجل المصري لو ضحك مع واحدة في الشارع مراته بتسود عيشته وكذلك هو لو مراته ضحكت مع واحد بيسود عيشتها”

وأضافت متحدثة عن مواصفات فتى أحلامها وعن بعدها عن الزواج حتى الأن، فقالت: “ أنا مش مضربة على فكرة الجواز بس لازم يكون مناسب ليا فكريا، لازم زوجي يكون مثق، طموح، يكون أعلى مني ويحسسني بالأمان”

ميسرة: مقدرش أرتبط بحد أصغر مني ومعنديش مانع في راجل متجوز

واستكملت ميسرة حديثها بتفجير تصريح جريء قالت فيها: “مقدرش أتجوز راجل أصغر مني أنا مش هاخده تحت باطي، لكن معنديش مشكلة أتجوز واحد متجوز طالما مش مرتاح مع مراته، لو الست مقصرة مع الراجل في حاجات معينة وهو مش عايز يغضب ربنا من حقه يتجوز لو هو طفس يبقى حقها ترفض”.

وقالت مضيفة: “الراجل لو مش مالي عين الست هتسيبه، ولكن هي لو مقصرة في حقه وبتحبه ومش عايزاه يغلط لازم تطلب منه يتجوز واحدة تانية غيرها”.

ميسرة تكشف سبب ابتعادها عن الفن

وكشفت الفنانة ميسرة سبب ابتعادها عن الساحة الفنية، فقالت: “اختفيت قبل الثورة وكنت متأثرة بيها ومكنتش قادرة أشتغل وأما رجعت الأعمال كانت قليلة والورق اللي جالي مكنش حلو، ومش عايزة أرجع الست اللي بتخرب بيت الناس عايزة أرجع بنيولك جديد”.