زوجة في قضية خلع:جوزي شيطان بيحب المطلقات وعامل نفسه مقطع السمكة وديلها

«جوزي بخيل وجلده ومش بيصرف على البيت، ومع الناس جنتل مان ومحبوب كأنه مقطع السمكة وديلها » .. بتلك الكلمات بدأت زوجة داخل محكمة الأسرة تروي قصتها مع زوجها لـ تحيا مصر ومأساتها معه طوال 13 سنة.

نهاد في دعوى خلع: جوزي جابلي ضرة وسحلني في الشارع قدام الناس

زوجة في دعوى خلع: جوزي عيان وأنا زهقت منه

تفاصيل القصة

فتقول الزوجة:" أنا أهلي ميعرفوش عنى شئ منذ 13 عام واللي أنا أتجوزته وعمري 22 سنة وهو أكبر مني بـ 13 سنة وعشت معاه وأنجبت منه 3 أبناء، وهو يعمل محاسب في بنك، وللأسف هو رجل بخيل ولا يريد الإنفاق علي ولا على ولاده وده شح وبخل منه بالرغم من مرتبه الكبير اللى بيقبضه من البنك وممكن يعيشنا مبسوطين بدون مشاكل لكن هو بخيل وشحيح علينا جدا".

زوجي أكبر مني ويدمرني نفسياً

وتضيف الزوجة:" مشكلة جوزي إنه أكبر مني وذلك يدفعه إلى أن تدميري نفسياً، ويقوم بالاعتداء عليا أمام أولادي، وعيالي كرهوه من أفعاله معاهم، فعندما يقومون بمشاهدة التليفزيون يقوم هو بإطفاء التليفزيون وقفله ويضعه في الكرتونة حتى لا يستمتعوا الأطفال بمشاهدة الأشياء التي يحبونها، وده خلاهم طول الوقت فيه نفور منهم ضده، ومفيش أى حاجة تانية يقدروا يعملوها علشان هو مش بيديهم فلوس حتى يخرجوا ويصرفوا على نفسهم وكمان يرفهوا عن نفسهم شوية وده هيخليهم معقدين في حياتهم بسبب والداهم".

زوج بمحكمة الأسرة: خلعتني بعد أسبوع جواز علشان معجبتهاش ومبسطهاش

زوجي بيعطيني رغيف عيش والمياة في الصنوبر

وتحكى الزوجة: زوجي دائما بيستفزني دايما أمام عيالي ولا يمتلك أي مسئولية وهو يظهر أمام الناس بإنه جنتل مان وبيساعد الناس ومحبوب بين الأشخاص ومقطع السمكة وديلها وهو بيحب الستات المطلقة بين كل فئات السيدات، وأنا كرهته بتصرفاته دي، ده كان بيديني رغيف العيش ويخبرني بأن الماء في الصنوبر وهو بخيل ومش بيحب يصرف فلوس عليا وربنا هينتقم منه بإذن الله".

أبعد عن أولادي أي مشاكل نفسية

وتبكى الزوجة: "أنا نفسي ولادى يطلعوا أحسن ناس وأنى أبعد عنهم أي مشاكل نفسية وده جعلنى اتخذ قرار أنى ارفع دعوى خلع على جوزي البخيل ده، واتخلص منه وأنا فضلت مستحملة 13 سنة علشان الأولاد وكل همى أنه يتغير ويتحسن بس هو لا بيتغير ولا بيحس وهو هو نفس الشخص البخيل اللي مفيش أى ست تقدر تستحمله كل ده".