عنصري وهاخد إجراءات قانونية ضدك.. مشادة كلامية بين أكرم حسني وعادل صابر على الهواء

وقعت مشادة كلامية بين الفنان أكرم حسني والشاعر عادل صابر على الهواء مباشرًة في برنامج كلمة أخيرة الذي تقدمه الإعلامية لميس الحديدي عبر قناة on الفضائية، وذلك بسبب أغنية للي للكينج محمد منير.

تحيا مصر يرصد المشادة الكلامية بين أكرم حسني وعادل صابر

قال أكرم حسني: كتبت 20 بيت والخناقة مع الشاعر عادل صابر على بيت واحد.. ومستكترين عليا إني أعرف اكتب كلام جاد.. اشتغلت في أسوان، وعرفت اللهجة بتاعتهم ومش غريبة عني".

ليرد عليه عادل صابر قائلًا:عندي بيت  شعر أنت أخدته  زي الي أخد نخلة من الجنوب وزرعها في وسط اشجار الفكيس عنده وأنا متمسك ببيت الشعر بتاعي.. عاوزين تعرفوا يعني شعر "الواط " إحتكموا لواحد صعيدي مش واحد من بحري. 

أكرم حسني يتهم عادل صابر بالعنصرية

وهو ما اعتبره أكرم حسني عنصرية، فقال: "طالما  إحنا مختلفين  تعالى نحتكم للقانون  وأنا كلام الشاعر عادل صابر فيه الكثير من العنصرية.. وليه تحتكروا الكتابة الصعيدية على الجنوب بس.. أنا هاخد إجراءت قانونية رادعة ضده".

كلمات أغنية للي - محمد منير

سألته هل داء الولع
كان الجواب صدّه
ساق الدلال ساق الدلع
مفاتيح هواه صدّوا
ومشيت أوشوش في الودع
ولا جاني ليه ردّه
اللي فتح باب الوجع
واجب عليه ردّه

يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي

بعيونه بضرب ميت مثل
أول ما بيطلّوا
دَوقّته من طعم الغَزَل
دوقّني من ذلّه
وبحبه أنا مهما حصل
طب مين بقى يقولّه
ماهو لو حبيبك كان عسل
ما تخلّصوش كلّه

يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي

كانت نار تقيد من لمس إيد
من حضن من ضَمّه
وإن راح بعيد النار تزيد
وأصرخ وأقول يامّه
الروح تروح وأنين ونوح
ومافوقش غير لمّا
يرجع أوام ده عليه قوام
حواليه بنترمّي

سألته هل داء الولع
كان الجواب صدّه
ساق الدلال ساق الدلع
مفاتيح هواه صدّوا
ومشيت أوشوش في الودع
ولا جاني ليه ردّه
اللي فتح باب الوجع
واجب عليه ردّه