«الست دنيا» بتبيع إسطوانات غاز من 40 سنة: مأخدتش ولا يوم أجازة ونفسي ارتاح|فيديو

"بقالي 40 سنة شغالة ومفيش يوم قعدته في البيت من غير شغل" بتلك الكلمات بدأت الست دنيا حديثها في حوارها  مع تحيا مصر، لتحكي معاناتها وكفاحها اليومي في بيع أسطوانات الغاز على سيارتها الربع نقل، تجوب شوارع مركز نبروة محافظة الدقهلية لتكسب قوت يومها متحديه الظروف والصعوبات والعادات والتقاليد.
الست دنيا التي تبلغ من العمر  580 عاما بدأت في عمل بيع "الأنابيب" بعد أن عملت كمزارعة بالأجرة ولكنها رفضت الاستمرار فقررت اقتحام مهنة الرجال الشاقة التي تحتاج لقوة بدنية جبارة حتى تتمكن من رفع إسطوانات الغاز.

الست دنيا بتبيع أنابيب من 40 سنة

وتقول الست دنيا" كنت بشتغل بالأجرة في الأراضي الزراعية علشان أصرف على بنتي ووالدتي، وجوزتها من بيع الأنابيب.. ومأخدتش ولا يوم أجازة من ساعة ما اشتغلت ونزلت الشارع ."

وتضيف الست دنيا، أنها بعد ترك العمل بالأجرة في الأراضي الزراعية قررت دخول مهنة الرجال، حيث تعلمت بدأت بتعلم السواقة على سيارة أخيها، وبدأت في نقل البضائع للتجار من الوكالة، وبعدها بدأت في بيع إسطوانات الغاز.

«أنا اللي بصرف على حفيد أخويا»

وتستكمل الست دنيا حديثها قائلة" ساكنة في أوضة عند ابن أخويا وأنا اللي متكفلة بمصاريف ابنه اللي بيغسل كلى وعنده 13 سنة ونفسي حد يساعده في علاجة".
وأوضحت الست دنيا بحسرة وألم" تعبت من الشغل كل يوم ونفسي أرتاح..أنا مشفتش يوم حلو في حياتي، طول عمري تعبانة وشقيانة وشايلة الهم من صغري..نفسي حد يساعدني علشان أقعد في البيت وأرتاح بقية حياتي.  

«أم نغم» سائقة توك توك من ذوي الهمم: «راضية ومبسوطة ونفسي استر بناتي»

حكاية الطفلة رغد بطلة الفخاخ في لعبة الشطرنج|فيديو

وتضيف«أم إيمان»، أنها رغم تعبها من العمل يوميا، إلا أنها يجب عليها الاستمرار حتى تتمكن من توفي دخل مادي تتمكن من خلاله علاج حفيد أخيها الذي يعاني، مشيرة إلى أنها"بصرف على نفسي وعلى ابن ابن أخويا التعبان وولاد بنتي الغلبانة".

واختتمت الست دنيا حديثها لـ تحيا مصر قائلة: " الشغل مش عيب..لكن العيب أني أقعد في البيت وفي بداية شغلي في بيع الأنابيب الناس كانت بتتريق عليا ودلوقتي اتعودوا وبقوا يدعموني، بعد ما كان السواقين بيبصولي في شغلي وإزاي واحدة ست تسوق عربية ربع نقل وتخرج بيها لوحدها "