كريم الحسيني يطلب التواصل مع تامر حسني: “بحاول من سنة.. ومتأكد إنك لو عايزني أوصلك هكون بكرة على مكتبك”

شارك كريم الحسيني الجمهور في الساعات القليلة الماضية، ذكرى له منذ عام يحاول من خلالها التواصل مع الفنان تامر حسني، مشيرا إلى انه رغم رد تامر حسني على منشوره منذ سنه إلا أنه لم يتواصل معه حتى الأن.

تحيا مصر يرصد في ذلك التقرير طلب كريم الحسيني التواصل مع تامر حسني منذ عام

كريم الحسيني لـ تامر حسني: “لو عايزني أوصلك متأكد إني هكون على مكتبك بكرة”

كتبت كريم الحسيني عبر حسابه الرسمي، بموقع التواصل الإجتماعي “فيسبوك”، مخاطبا تامر حسني: “فات سنه على نزول البوست ده وبرضه معرفتش اقابل الفنان المحترم تامر حسنى.. حاولت فى خلال السنه دى اوصلك والله كل اللى شغالين معاك ماحدش بيرد عليا  اوصلك ازاى؟ انا عارف انك لو عايز توصلى هابقى عندك فى المكتب بكره ”.

كريم الحسيني: اللي بعمله مش تقليل مني دا سعي بشياكة

وتابع كريم الحسيني موضحا للجمهور سبب طلبه مقابلة تامر حسني، فقال في تعليق على منشوره: "أنا بشكركم جميعاً على حبكم ودعمكم ، صدقوني البوست ده مش تقليل منى خالص .. بالعكس ده سعى بشياكه .. أنا عارف إنه فنان محترم وراقى وبيحب يسمع افكار جديده ومتأكد إنه لو قعد معايا هايحصل خير لأنى عندى أفكار ومشاريع كتير .. وسعيت طول السنه اللى فاتت انى أوصله معرفتش .. بس متأكد إنه هايعرف يوصي، دعواتكم  ومتشكر جدا جدا جدا لمشاعركم النبيله دى".

تصريحات كريم الحسيني عن الفن

وكان قد تصدر كريم الحسيني مؤشرات الأكثر بحثا، بعدما كشف عن مشروعه الجديد بعيدا عن الفن وهو العمل معل عربية قهوة متنقلة، وأكد كريم الحسيني أن سبب اتجاهه لهذا المشروع هو أن الفن “مبأكلش عيش” وفقا لما صرحه في فيديو بث مباشر على صفحته الرسمية بموقع انستجرام.

وأضاف كريم الحسيني في الفيديو: “كنت عايزه يسند معايا، عشان الشخص ميشتغلش اللي هو مش عايزه دون المستوى، فتضطر تقبل عشان مفيش فلوس وتاخد عربون عشان تمشي البيت، وفي الآخر العمل يتحسب عليك، لم تيجي تدخل عمل مهم وانت بتحلم بي، يقولك لا مش هينفع يشتغل معانا عشان اشتغل كذا وكذا، وأنا معنديش عمل في رمضان، ولكن الحمد لله مستورة”.

واختتم:  كل الأشخاص حوالينا عارفين موظفين مسرح الدولة بيشتغلوا حبا في الموضوع ولما بنشارك في عمل مثل أعمال المسرح بندفع أكثر من الأجر المقابل، ولكن حبا في المسرح.