أمير طعيمة يوجه رسالة قاسية لمنتقدي ارتداء الحجاب: “اعتبره حرية شخصية زي الإلحاد”

خرج الملحن أمير طعيمة عن صمته للرد على منتقدي الحجاب والمحجابات، طارحا عليهم بعض الأسألة القاسية، مطالبا ترك المرأة المحجبة بحريتها وعدم التدخل في شؤنهم الخاصة.

تحيا مصر يرصد في ذلك التقرير هجوم أمير طعيمة على منتقدي الحجاب

أمير طعيمة يهاجم الإعلاميين بسبب انتقادهم للحجاب

كتب أمير طعيمة عبر حسابه الرسمي بموقع التواصل الإجتماعي “فيسبوك”: “هو موضوع فلانة لبست الحجاب و فلانة خلعته ده شاغل الناس ليه، ايه مشكلة البعض مع الحجاب اساسا، و بعض الاعلاميين و من يطلق عليهم العلمانيين بيستقتلوا ليه عشان نفي فرضية الحجاب، يعني لو المحجبة اقتنعت بفتاويك و قلعت الحجاب الكون و الكوكب و البلد هيستفيدوا ايه ؟، هل احنا مثلا دولة بنفرض لبس الحجاب على المرأة فإنت ضد قهرها؟ لا”.

وتابع أمير طعيمة حديثه: “هل احنا بنضيق على غير المحجبة مثلا في الوظائف و الحياة العامة فإنت ضد ظلمها؟ لا، بل بالعكس دي غير المحجبة هي اللي فيه تضييق عليها في الفن و الاعلام و بعض الوظائف ده حتى فيه اماكن و مطاعم بتمنع دخول المحجبات”.

أمير طعيمة: “الست المحجبة مضيقاك ليه وقارفها بكلامك؟”

وأضاف في حديثه متسائلا: “الست المحجبة دي مضايقاك في ايه و قارفها في عيشتها بكلامك ليه، و عمال تجيبلي صور قديمة و تقارنها بصور جديدة كما لو كان ده دليل اننا كنا متحضرين و بقينا متخلفين، معلش هو مال التحضر بالحجاب و الفستان المفتوح و الميكرو جيب مش فاهم، يعني المحجبة لو لبست اللي بيبسطك معدل ذكائها و انتاجيتها هيرتفعوا فالبلد هتروح في حتة تانية ؟، و بعدين تعالى نفترض اننا صحينا من النوم لقينا البلد كلها مفهاش محجبة واحدة زي ما بتتمنوا .. ها ؟ طلعنا القمر كده، ؟ بقينا في مقدمة الدول تعليميا ؟ معدل النمو هيزيد ؟ هنغزو العالم و الجنيه هيبقى بالف دولار ؟".

أمير طعيمة يوجه رسالة قاسية لمنتقدي الحجاب

واختتم أمير طعيمة موجها رسالة قاسية لمنتقدي الحجاب: “و يا عم يا اللي شايف الالحاد ظاهرة صحية و دعوة للتفكير و الشذوذ حرية شخصية، ممكن تتواضع و تعامل المحجبة نفس المعاملة و تعتبرها حرة في اختيار لبسها و تكبر دماغك و تشوف وراك ايه وتعمله، و لا انت اللي معطلك و مخليك خيبان كده ان فيه ستات محجبات حاجبين عنك أحلامك و اهدافك العظيمة”.