الخميس المقبل.. عمرو مصطفى ضيف جيهان عبد الله على "نجوم إف إم"

يحل الفنان عمرو مصطفى يوم الخميس المقبل ضيفًا في برنامج "أجمد سبعة الساعة سبعة" الذي تقدمه الإعلامية جيهان عبد الله ويذاع على محطة راديو "نجوم إف إم" من الأحد إلى الخميس على الهواء مباشرة.

تحيا مصر يرصد حلول عمرو مصطفى في برنامج أجمد سبعة

ونشر عمرو مصطفى عبر حسابه الشخصي على موقع التواصل الاجتماعي "فيسبوك" بوستر الحلقة، وعلق عليه قائلًا: "انتظروني في أجمد ٧ الساعه ٧ مع چيهان عبد الله الخميس ٢٨ يوليو".

عمرو مصطفى يوجه رسالة غامضة

وجه عمرو مصطفى رسالة غامضة لشخص منذ عدة أيام عبر حسابه الشخصي على موقع التواصل الاجتماعي "فيسبوك"، حيث كتب: “رساله لجدو، هتبعت ناس ولجان تشتم على الصفحة، ولا هيهز شعره مني، فلوس بترميها في الأرض، هتبعت ناس تقول صوته وحش ملكش دعوة أنا هغني وصوتي وحش، هتروح تخلي ناس تسرب الأغاني هطلع افضحك وساعتها هتكون نهايتك بجد”.

وتابع: "هتجيب عيال بفلوس  تعمل فيديوهات أن الأغاني وحشة هتنجح غصب عنك لأنها من القلب، هتقول فين المشاهدات هقولك ملكش دعوة أنا بعمل الأغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠  على الفيسبوك بشرف أحسن من ملايين مزيفين يا جدو، وفي الأخر اتقل علشان الجاي صعب، نسيت أنك بعت ناس للموزعين اللي بشتغل معاهم في الخارج علشان أنت  قلودة قوي بس لما تنزل معاهم هفضحك عادي".

أخر أعمال عمرو مصطفى

ومن الجدير بالذكر أن أخر أعمال عمرو مصطفى أغنية "رقصة" التي تم طرحها يوم 23 من شهر يوليو الجاري على القناة الرسمية لعمرو مصطفى على موقع "يوتيوب"، وحققت الأغنية منذ طرحها وحتى الآن أكثر من 71 ألف مشاهدة، وهي من كلمات مصطفى ناصر، وألحان عمرو مصطفى.

وتقول كلماتها: "في قلبي ولا يوم كنت بعيد، متداري بيني وبيني، تتحب من أول وجديد، لو بس اغمض عيني، لا بين عتاب ولا عليك لوم، مكانش غياب ده كانوا كام يوم، فراق مين ده اللي ما بيننا يدوم، هات ايدك هنا في رقصة، وانسى أي خوف في عينيك، ده مكانك هنا في قلبي، قلبي تاني نور بيك، هات ايدك هنا في رقصة، وانسى اي خوف في عينيك، ده مكانك هنا في قلبي".

"قلبي تاني نور بيك، لا نسيتني وأنت في بعدي هناك، ولا عشت يوم من غيري فضلت، فين ما تروح وياك، ومفيش في قلبك غيري، ما فاتش يومين، وما قدرناش، تفوتنا سنين وما نعيشهاش، وراح أهو غيابنا كانه مجاش، هات ايدك هنا في رقصة، وانسى اي خوف في عينيك ده، مكانك هنا في قلبي".