نفسي الحن لـ ويجز وشاكوش عالمي.. تصريحات قوية لـ الموسيقار هاني شنودة

كشف الموسيقار القدير هاني شنودة خلال برنامج “بالخط العريض” مع الإعلامية إيمان أبو طالب المذاع عبر شاشة قناة الحياة، عن رأيه فيما يحدث على الساحة الموسيقية خلال هذه الفترة، كما تحدث عن الأزمات التي تعرضت لها نقابة المهن الموسيقية.

تحيا مصر يرصد لكم تصريحات الموسيقار هاني شنودة في برنامج بالخط العريض

تصريحات قوية لـ هاني شنودة

-هعمل أغاني راب لأن كلامه نضيف وكويس
- الراب عبارة عن شعر متقال على ألحان إفريقية 
- أي مطرب مدرب يقدر يغني راب

- أكتر حد بحبه ونفسي ألحن له هو ويجز
- أحنا كلنا زمايل في الأول والآخر 
- وأي بني آدم مصري يا أخويا يا ابني حسب السن
- معنديش فكرة إني أحسن من حد

- حسن شاكوش عدى العالمية وموهوب بشكل كبير
- أغنية بنت الجيران كسرت الدنيا في العالم كله دي حقيقة وواقع -وائل الفشني لسه قدامه خطوة على العالمية 
- الفشني صوته حلو وبيغني كويس بس محتاج يفك الفرامل شوية زي حسن
- أنا وهاني شاكر أمير الغناء العربي بينا معزة ومودة
- شيرين عبد الوهاب بتفكرني بالمطربة خضرة محمد خضر 
- خضرة “شيرين عبد الوهاب” أستاذة غناء
- أنا مش ضد المهرجانات بالعكس دول بيسعدوا الناس وبترقص معاهم
- مفيش نوتة مؤدبة ونوتة قليلة أدب مفيش كده في الموسيقى
- أنا ضد كلام المهرجانات واعتراضي على الكلمات فقط
- أنا ما ادخلش الكلام بيتي ومعترض عليه
- ليه بوليس الآداب ما ممسكش الناس دي لحد دلوقتي
- كان نفسي هاني شاكر يسجل المهرجانات دي ويوديها للنائب العام
- ويبلغ ان الناس دي بتنشر الرزيلة

معلومات عن الموسيقار هاني شنودة 

ملحن وموزع موسيقى مصري اكتشف العديد من المواهب الصوتية المصرية، وكانت له الريادة والفضل في تكوين أول فرقة موسيقية بمصر، ولد بطنطا عام 1943م تخرج من كلية الموسيقى عام 1966م وبعد ذلك التحق بالمعهد العالى الموسيقى "الكونسيرفتوار".

ويقول هاني شنودة عن فرقة المصريين إن الفكرة أساسًا يعود الفضل لتكوينها للكاتب العالمي نجيب محفوظ والتي استمرت لفترات طويلة، أنجبت خلالها أجيال متعاقبة من المطربين والمطربات.