حلمي بكر يهاجم نجل حميد الشاعري: "عيب يا ولد.. وأنا مبخفش"

وجه الموسيقار حلمي بكر رسالة شديدة اللهجة لنجل حميد الشاعري الذي هاجمه خلال الأيام الماضية، وذلك من خلال مكالمة هاتفية له ببرنامج "خط أحمر" عبر شاشة قناة الحدث اليوم. 
تحيا مصر يرصد لكم هجوم حلمي بكر على نجل حميد الشاعري

حلمي بكر يهاجم نديم الشاعري

- إننا نعيش في حالة من تدني الأخلاق 
- الموسيقى حاليًا تشهد حالة من التراجع الكبير وأصبحت متردية
- كان لازم حميد الشاعري يقول لابنه عيب يا ولد
- أنا اللي امتحنت حميد الشاعري في النقابة ومكنش عنده فكرة عن الموسيقى 
- حصل على عضوية انتساب بدعم من النقيب الموسيقار أحمد فؤاد حسن
- أنا رئيس لجنة الاستماع من قبل ما أنت تتولد
- مينفعش ابنك يشتمني أنا مبخفش
- المفروض ابنك يبدأ حياته بعمل فني مش بسباب

نديم الشاعري يهاجم حلمي بكر

وقد كتب نديم الشاعري، عبر حسابه الرسمي بموقع التواصل الإجتماعي فيسبوك: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم.

وأردف نديم الشاعري: أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيًا وأخلاقيًا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايمًا بيقولي ما تردش على حد، لكن ولاده كبرو ومش حيسمحو إنك تقطع في أبوهم.

نجل حميد الشاعري: الكابو رانن في ودنك

وأضاف قائلًا: هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل  بقاله 30 سنة مع كل الفنانين وهو سر الاستمرارية والنجاح. 
واختتم كلامه، قائلًا: مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو، حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس.