عمرو مصطفى: فنان مشهور بعتلي ناس تقولي صوتك وحش.. وهفضحك يا قلودة

كشف الفنان عمرو مصطفى عن تفاصيل تعرضه لحملة هجوم من فنان مشهور ولكنه لم يذكر اسمه، وذلك عبر حسابه الرسمي بموقع التواصل الإجتماعي فيسبوك.

تحيا مصر يرصد لكم تفاصيل منشور عمرو مصطفى عبر فيسبوك وذلك خلال السطور القادمة 

عمرو مصطفى عبر فيسبوك

وكتب عمرو مصطفى عبر فيسبوك: “رساله لجدو، هتبعت ناس ولجان تشتم علي الصفحه ولا هيهز شعره مني فلوس بترميها في الارض، هتبعت ناس تقول صوته وحش ملكش دعوه انا هغني وصوتي وحش، هتروح تخلي ناس تسرب الاغاني هطلع افضحك وساعتها هتكون نهايتك بجد، هتجيب عيال بفلوس  تعمل فيديوهات ان الاغاني وحشه هتنجح غصب عنك لانها من القلب”.

وتابع: "هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠  علي الفيسبوك بشرف احسن من ملايين مزيفين يا جدو، وفي الاخر اتقل علشان الجاي صعب
نسيت انك بعت ناس للموزعين الي بشتغل معاهم في الخارج علشان انت  قلوده قوي، بس لما تنزل معاهم هفضحك عادي".

عمرو مصطفى يطرح أغنية إلا أنا 

وجدير بالذكر، أن طرح الفنان عمرو مصطفى أولى أغاني ألبومه الجديد غيرك مين، التي تحمل اسم إلا أنا يوم الأربعاء الماضي، عبر قناته الرسمية على موقع الفيديوهات الشهير يوتيوب.

كلمات أغنية إلا أنا

وجاءت كلمات الأغنية كالآتي:

إلا أنا واجهة غلاف السنة

أنا عندي الخلاف حرفنة

لو هتسأل هناك أو هنا

أنا بعدي الكلام اتفنى

إلا أنا

في أول صف أنا وبعدي يجي ناس

وسابق كله أنا عشان أنا الأساس

يقولو 100 سنة ده كله كلام اتداس

في أول صف أنا بقالي سنين

وحاولوا يقلدوا ومش عارفين

إلا أنا أنا واجهة غلاف السنة

أنا عندي الخلاف حرفنة

لو هتسأل هناك أو هنا

أنا بعدي الكلام اتفنى

حكايتي مكملة يغير اللي يغير

دي أول مرحلة ولسه جاي كتير

يعيشوا في أسئلة وأنا سري في بير

والأغنية من كلمات مصطفى إسماعيل وعمرو مصطفى، وألحان عمرو مصطفى، ميكساج رون تايلور، ماسترينج كارل.