أول تعليق من أكرم حسني على اتهامه بسرقة كلمات أغنية "للي": “ اللي حصل توارد أفكار”

حرص الفنان أكرم حسني الرد على الاتهامات التي وجهت له في الساعات القليلة الماضية بشأن سرقته كلمات أغنية “للي” من الشاعر عادل صابر، مشيرا إلى ما حدث مجرد توارد في الأفكار، وأن تاريخه لا يسمح له بأن يضع نفسه في تلك الأمور المؤذية فهو يعمل في تأليف الأغاني منذ برنامجه الشهير “أبو حفيظة”.

تحيا مصر يرصد في ذلك التقرير تصريحات أكرم حسني بشأن سرقته لـ كلمات أغنية للي لـ محمد منير

كتب أكرم حسني عبر حسابه الرسمي بموقع التواصل الإجتماعي “فيسبوك”: "قريت من شوية بوست بيتهمني بسرقة كلمات اغنية " للي “ من شاعر من جنوب مصر الحبيب و بعدها اكتر من صحفي كلمني بيطلب مني رد علي الاتهام ده .. فخلوني اوضح كذا نقطة”.

أكرم حسني: أؤمن بأن السرقة الفنية تصنع نجاح مؤقت

وتابع أكرم حسني حديثه، كاشفا حقيقة سرقة كلمات أغنيته الجديد، فقال: “كل الحب و الاحترام و التقدير لكل موهبة فنية بتقدم فن يحترم الجمهور و جنوب مصر خرجلنا شعراء و ادباء كتير علي رأسهم الخال الابنودي رحمة الله عليه، أؤمن بحقوق الملكيه الفكريه كما أؤمن بان السرقه الفنيه تصنع نجاح مؤقت ”.

أكرم حسني: انا مش محتاج اسرق عشان اعمل رصيد لنفسي كشاعر

واستكمل أكرم حسني: “تشابه جملة من الأغنيه التي تتكون من ١٢ بيت مع جملة للشاعر لا يعني السرقة و انما توارد الافكار امر طبيعي، لما كتبت الاغنية كانت مكونة من ٢٠ بيت اختار منهم الكينج ١٢ بيت و تم تسجيلهم ف معتقدتش اللي كتب ٢٠ بيت هتقف معاه في جملة عشان يسرقها، انا بكتب اغاني بقالي اكتر من ٨ سنين من خلال برامج و مسلسلات و اعمال فنية قدمتها و كنت علي سبيل المثال في اغاني برنامج ابو حفيظة قبل ما بستخدم لحن اي اغنية في البرنامج برجع لجمعية المؤلفين و الملحنين و اسدد الرسوم حفظا لاصحاب حقوق الملكية الفكرية .. ف اللي يعمل كده بيتهيألي صعب يحط نفسه في موقف زي ده ”.

أكرم حسني: مكتبتش البوست عشان أدافع عن نفسي

واختتم حديثه قائلا: “نا مهنتي الاساسية ممثل و بحب صناعة الاغاني من باب الهواية ف انا مش محتاج اسرق عشان اعمل رصيد لنفسي كشاعر .. انا بعمل ده بحب.. و اخيرا .. انا كتبت البوست ده مش دفاعا عن نفسي و لكن لاحترامي للجمهور المحترم اللي بيثق فيا ف حبيت اوضح له”.