خاص| أول رد من حلمي بكر على هجوم نجل حميد الشاعري عليه:«حشرة أبوه معرفش يربيه»

خرج الموسيقار حلمي بكر عن صمته ليرد على هجوم نجل حميد الشاعري عليه، مشيرًا إلى أنه لا يوجد مشاكل تجمعه بوالده.

تحيا مصر يرصد تراجع نجل حميد الشاعري عن هجومه على حلمي بكر. 

حلمي بكر يفتح النار على نجل حميد الشاعري

قال حلمي بكر في تصريح خاص لـ تحيا مصر: " ابن حميد الشاعري ولد مترباش قليل الأدب، أبوه معرفش يربيه.. شوية حشرات حشرة ومعديه هدوس عليها، قدمت الورق للمحامي و هاخد إجراء قانوني ضده".

وعن علاقته بحميد الشاعري، تابع في تصريحاته: "مفيش بيني وبينه مشاكل.. آخر مرة مسلمين على بعض".

من جانبه، تراجع نديم الشاعري نجل الفنان حميد الشاعري عن هجومه على الموسيقار حلمي بكر، مشيرًا إلى أن حديثه كان قاسيًا وهذا ليس له علاقة بتربيته أو أسلوبه.

نديم الشاعري يحذف هجومه على حلمي بكر

كتب نديم الشاعري عبر حسابه الرسمي على موقع التواصل الاجتماعي «فيسبوك»: "ونشر نديم: "انا عدلت البوست عشان كنت شايف اني قاسى حبتين ومهما كان فى فرق فى السن ودى مش تربيتى ولا اسلوبى".

وأضاف: "زى ما مبسوط انى بدافع عن والدى زى ما زعلان على قسوتى، ولكل الاساتذة الكبار العظماء الاحترام والكابو بنسبالى من العظماء".

وكان وجه نجل حميد الشاعري رسالة شديدة اللهجة، للملحن حلمي بكر بعد تصريحاته الأخيرة أثناء حواره في إحدى البرامج التلفزيونية.

وكتب نديم الشاعري، عبر حسابه الرسمي بموقع التواصل الإجتماعي فيسبوك: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم.

نجل حميد الشاعري لحلمي بكر: أنت عبرة نفسية فاسدة

وتابع نديم: أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم.

وأردف قائلًا: هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل  بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو.

واختتم كلامه، قائلًا: حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس.