شيرين عبد الوهاب عن حسام حبيب: "ضربني وحبسني وسحلني على الأرض"

فجرت الفنانة شيرين عبد الوهاب مفاجآت صادمة وأسرار كارثية عن علاقتها بطليقها الفنان حسام حبيب لأول مرة على الهواء ببرنامج “كلمة أخيرة”.

تحيا مصر يرصد تصريحات شيرين عبد الوهاب عن حسام حبيب

تصريحات شيرين عبد الوهاب

قالت شيرين عبد الوهاب للإعلامية لميس الحديدي: “حسام حبيب ضربني وسحلني على الأرض.. قالي إني تخنت وشبه أمي، و يقولي أنا عايزة واحدة اتباهي بيها.. غير الضرب والسحل على الأرض وشتيمة مفيش واحدة تستحملها على نفسها”.

وأضافت: “أنا بتأسف واستغفر ربنا على الكذب اللي كذبته عشان أخلي صورة شخص تبقى كويسة وممكن يروح يتجوز وأنا نفسي يتجوز ويغور ويبعد عني.. بناتي نفسيتهم تعبانه وأنا كمان ومكناش بنخرج كنت عايشة مع زوج مبيشتغلش مبيزورش أهله ولا أصحابه عايش حب امتلاك  محبوسة 24 ساعة في اوضة نومي”.

واستكملت: “أنا غلطت في حق نفسي.. كنت فاكرة أني بحافظ على بيتي لكن أنا كنت عايشة في مصيدة فيران.. خسرني كل الناس خسرني أبويا وأمي وأختي والسواق والشغالة بتاعتي فهمني أنهم متأمرين علينا.. لازم يتعالج نفسيا لأنه عنده حب امتلاك.. لو غنيت وعملت فرح ناجح ينكد عليا”.

شيرين عبد الوهاب وحسام حبيب 

وتابعت: "اتطلقنا طلاق بان.. بعد الكارثة اللي حصلت وقصيت شعري قولت ليه منديش بعض فرصه تانية.. كنت بحبه وبالنسبالي ابني 
اشتريت كل الأغاني اللي عجبته اتهمني".

وظهرت الفنانة شيرين عبد الوهاب  تمازح الإعلامية لميس الحديدي، وطلبت من مخرج البرنامج ألا يضع صورتها حليقة الرأس على الشاشة وأن يضع صورتها بالشعر الطويل.

وعلقت قائلة: “ياراجل حرام عليك حط صورة حلوة ده أنا شبهي وأنا  شعري  قصير زي الشاويش عطية.. وأنا مش هنسى سؤالك عليا وقت الأزمة ولا الفنانة ياسمين عبد العزيز ولا منة شلبي وكل الناس الحلوين اللي سألوا عليا".

شيرين عبد الوهاب برنامج كلمة أخيرة

واستكملت شيرين عبد الوهاب قائلة: “والجمهور وبقول  للناس أنا اسفة اني بتكلم في موضوعي الشخصي وأنا عارفة أن الناس في البلد عندها مشاكل  أهم وأنا بقيت بحس أن موضوع بوخ”.

وعن عودة الأزمة من جديد قالت: "أنا ست قاعدة في أمان الله مع بناتي بقالنا 4 سنوات شايفين الويل سافرنا الساحل وقلنا نعد أربع أو خمس أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريباً والبنات مكنوش بيعرفوا يعدوا معايا".

وتابعت: “مكنوش عارفين يعدوا معايا لاني كنت عايشة مع زوج مش بيشتغل تقريبا وكنت محبوسة 24 ساعة في أوضة نومي مش بعمل حاجة  قاعدة بس وأنا غلطت  في حق نفسي في حق شريين عبد الوهاب  لكن في نفس الوقت مكنش عيب أن شريين عبد الوهاب المشهورة الست المتجوزة تحاول تحافظ على بيتها”.