نزلة حادة وتم العزل وممنوع الزيارة.. تطورات الحالة الصحية لـ حميد الشاعري

كشف طاهر فوزي مدير أعمال الفنان حميد الشاعري عن تطورات حالته الصحية بعد خروجه من المستشفى إثر تعرضه لأزمة صحية مفاجأة

تحيا مصر يرصد تطورات الحالة الصحية للفنان حميد الشاعري. 

تفاصيل أزمة حميد الشاعري الصحية

وكتب طاهر فوزي عبر حسابه الرسمي على موقع التواصل الاجتماعي «فيسبوك»:" بطمن حضراتكم على الكابو حميد الشاعري، الحمدلله صحته بخير وحالته اتحسنت، وهو دلوقتي في البيت، بس الدكتور قال مفيش زيارة، والحمدلله هو كويس، وإن شاء الله يتم شفاءه كاملاً بإذن الله".

منع الزيارة عن حميد الشاعري وعزله

وسرد مدير أعماله تفاصيل الوعكة:" دور برد شديد ونزلة حادة وتم العزل والالتزام مع متابعة الدكتور حتى التعافي بشكل تام.. شكرا لحضراتكم وقريب الكابو هيطمنكم بنفسه".

نجل حميد الشاعري يهاجم حلمي بكر

على الصعيد الآخر، وجه نجل حميد الشاعري رسالة شديدة اللهجة، للملحن حلمي بكر بعد تصريحاته الأخيرة أثناء حواره في إحدى البرامج التلفزيونية.

وكتب نديم الشاعري، عبر حسابه الرسمي بموقع التواصل الإجتماعي فيسبوك: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم.

نجل حميد الشاعري لحلمي بكر: أنت عبرة نفسية فاسدة
 

هاجمه قائلًا: هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل  بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو.

واختتم كلامه، قائلًا: حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس.