الرز بيتاكل بالشوكة واحنا شعب محتاج يخس.. أبرز تصريحات أمينة شلباية

حلت خبيرة الإتيكيت أمينة شلباية، ضيفة إحدى فقرات برنامج الحكاية مع الإعلامي عمرو أديب، المذاع عبر شاشة قناة mbc مصر.

تحيا مصر يرصد لكم نصائح خبيرة الإتيكيت أمينة شلباية 

تحدثت أمينة شلباية عن بداية فكرة فيديوهات الإتيكيت، قائلة: جاتلي فكرة في رمضان اللي فات إن أبدأ في فيديوهات الاكل على السوشيال ميديا.. ومن اول فيديو عملوا قلق.. ودي مش ترجيحاتي للأمر دا علم وانا اتربيت في البيت إني أكل الرز بالشوكة والسكينة مش بالمعلقة..المعلقة للشربة فقط.

وتابعت: احنا شعب محتاج يخس.. فخلينا ناكل بالشوكة والسكينة، فرد عليها عمرو أديب، قائلًا: احنا شعب بيحب التضاريس مش لازم نبقى زيك كده.

وأردفت شلباية: ودن القطة اللي بتاكلوا بيها العيش بالملوخية ده تعملوه في بيتكم مش مع ناس، والاكل بالشوكة ممتعه وطعمه بيبقى احلى.

إتيكيت إحتساء الشوربة 

وانفعلت أمينة شلباية على عمرو اديب أثناء احتسائه الشوربة بالطبق، قائلة: لا لا مش هقدر أستحمل كدة انت أوڤر.

حالات الخروج عن الإتيكيت

وعن حالات الخروج عن الإتيكيت، قالت: عادي ناكل البطاطس بالأيد الا لو كنا في مناسبة رسمية، والاتيكيت ملهوش علاقة بالطبقات.. ومش لازم أبقى رقيقة عشان أمارسه.

وردت أمينة شلباية على بدرية طلبة بشأن اتيكيت أكل الماسورة، قائلة: مشوفتش الماسورة قبل كدة.

أمينة شلباية: الامهات بيقولولي كملي 

وحكت شلباية عن التشجيع التي تتعرض له من قبل الأمهات، قائلة: الانبوكس بتاعي مفرقع من التشجيع.. الأمهات بيقولولي كملي ويبعتولي صور أطفالهم وهما بيتعلموا مني.. وفي تشجيع قوي جدا من ناس كتير وفي السنين الجاية هنلاقي ناس بتعمل برامج عن الاتيكيت وودن القطة هتختفي. ووجهت رسالة لمنتقديها، قائلة: هكمل وهنجح.

وتابعت، قائلة: انا هكمل في اللي ابتديت فيه ومتأكدة إنه هينجح لأن ده علم.. وزي ما كانوا بيتريقوا عليا في الميكب وعملته هعمل في ده.. ومش هعلمكم بس في الاكل هعلمكم في الأدب والسلوك.

معلومات عن أمينة شلباية 

ملكة جمال مصر لعام 1988 وتخرّجت في كلية الاقتصاد والعلوم السياسية، ظلّت تعمل في مجال عروض الأزياء، وقامت بفتح مدرسة خاصة لتعليم كيفية وضع الماكياج والعناية بالبشرة، ومؤخّرًا تعمل مُقدّمة لبرنامج يهتم بأمور الموضة والعناية بالبشرة والجمال.