تامر حسين عن ألبوم عمرو دياب الجديد: «مسلطن ورايق واحنا محظوظين بيه»

تحدث الشاعر الغنائي تامر حسين عن ألبوم عمرو دياب الجديد، وذلك عبر حسابه الرسمي بموقع التواصل الإجتماعي فيسبوك.

تحيا مصر يرصد لكم تعليق الشاعر تامر حسين على ألبوم عمرو دياب الجديد

تامر حسين وألبوم عمرو دياب 

وكتب تامر حسين عبر فيسبوك: بعيدًا بقى عن كلام ولحن وتوزيع وهندسة صوت، غُنا عمرو دياب مسلطن ورايق اوى وفى منتهى الجمال.

وتابع: الراجل ده  حقيقى عامل حاله بصوته واحنا محظوظين بيه، كا صُناع وكا جمهور حالة الشغف والأسئلة اللى بنشوفها يوميًا، عمرو دياب نازل امتى؟ طب البوم ولا سينجل؟ والجدل اللى على بوستر ولا على اغنية والإهتمام اللى بالشكل ده  حالة تُحسب للراجل ده ربنا يديله الصحة ونفضل نتمتع بالحالة الفريدة من نوعها دى إستمتعوا بوجود عمرو دياب، صُناع وجمهور.

ألبوم عمرو دياب الجديد

وكان قد طرح الهضبة عمرو دياب مؤخرا 3 أغنيات جديدة وهما “وزير السعادة” و”ناس حلوة” و”وزير السعادة”، وكانت هدية عمرو دياب للجمهور في عيد الأضحى 2022 اذ طرحهم دفعة واحدة.

وأتت كلمات وزير السعادة: “عيشها برواقة ملهاش إعادة، اسألني أنا وزير السعادة، الحلو قوله في وشه يا حلو، وأبعد بعيد لو كان مش حلو، خليك مع اللي يخليك حلو، دور على اللي بيسعدنا، خلي المزاج معاك عالي وتمام، واللي بوشين بلاش وياه الكلام، والدنيا حلوة ملهاش إعادة، اسألني أنا وزير السعادة، طبع الحياة مفيهوش نقاوة، اسمع كلامي عيشها بهدواة، واللي يعاديك بلاش من العداوة، هو اللي خسران متعتها”.

عمرو دياب وأغنية ناس حلوة

أما عن أغنيته الشهيرة ناس حلوة فأتت كلماتها: “وإنت معايا وحواليا .. إحساس واحد جاتله هدية.. دا أنت بكل الناس يا حبيبي.. وعمري بمواعيدك متقاس.. لسه في ناس حلوة أهي.. يجوا ونلقي معاهم الجو الحلو جه.. لسه في ناس حلوة أهي.. البال بيروق وياهم .. والراحة دي ألف باء.. لسه في ناس حلوة حلوة.. لسه في ناس حلوة أهي.. ييجوا ونلقى معاهم الجو الحلو جه.. لسه في ناس حلوة أهي.. البال بيروق وياهم.. والراحة دي الف باء”.