ميدو: «القطاع الطبي في مصر مهزلة.. ودكاترة كبيرة سايبة المستشفيات وبتصيف في الساحل»

استنكر أحمد حسام ميدو، لاعب الزمالك السابق، الإهمال الكبير الذي يسيطر على القطاع الطبي، وبالتحديد المستشفيات الخاصة، قائلًا: «حمايا مريض يعاني من الكانسر وعنده جلطة في الرئة ومشاكل في القلب، وتعبت من يومين وأخدناه عشان نوديه مستشفى، مفيش مستشفى عايزه تستقبله، لأن الدكاترة في إجازة ومش موجودين».

تحيا مصر

وقال «ميدو» في بث مباشر له على صفحته على «انستجرام»: "تخيلوا إن القطاع الطبي فيه دكاترة بتوصي المستشفيات إنهم ميبعتوش شغل ليهم علشان في إجازة.. تخخيلوا الناس ممكن تموت عشان الدكاترة في إجازة.. طب احنا نقدر ندخل مستشفى خاصة وندفع فلوس ومعانا، طب بالنسبة للناس البسيطة، هتعمل إيه؟!".

وتابع: "القطاع الطبي في مصر مهزلة وبايظ والدكاترة معندهمش ضمير، لما يقول للدكاترة الصغيرة متكلمونيش في العيد عشان إجازة، يبقا مستحقش البالطو الأبيض اللي لابسه، لأنك المفروض تبقا تحت أمر الناس، وده قسم إنت حلفته، لكن للأسف كله دكاترة الأمراض الحرجة سايبين المستشفيات وقاعدين في الساحل".

وأردف: "وأن واقف بحمايا كان في ناس غلابة عايزين يدخلوا مريض، المستشفى رفضت تدخله، إلا لما يدفع 10 آلاف جنيه تحت الحساب"، متابعًا: "ليه مش بنطبق القانون اللي بيقول إن أول 24 ساعة طوارئ ببلاش في مستشفى".

ميدو: «القطاع الطبي في مصر مهزلة.. ودكاترة كبيرة سايبة المستشفيات وبتصيف في الساحل»

واختتم: "مفيش أي بلد في العالم بيحصل فيها الكلام ده، إن المواطنين ميعرفوش يدخلوا المستشفيات عشان الأطباء في إجازة، ولازم كل المسؤولين عن القطاع الطبي يحاسبوا".