حب ابتدائي.. الجمهور يسخر من رومانسية تامر حسني وهنا الزاهد في فيلم «بحبك»

أطلق الجمهور حملة سخرية على فيلم بحبك بطولة الفنان ونجم الجيل تامر حسني بسبب مشهد البطاقة الذي جمعه بالفنانة هنا الزاهد التي تقوم بالبطولة النسائية أمامه.

تحيا مصر يرصد سخرية الجمهور من فيلم بحبك 

مشهد البطاقة يثير سخرية الجمهور 

ودار المشهد الذي سخر منه الجمهور كالتالي: 

"سامحتني ؟

 ردي هتلاقيه في بطاقتك .. وريني بطاقتك كده

اهيه  

طبعا انتي طحش وبجم وطول عمرك بتقري اسمك ايه ؟

 حبيبه علي عمر كامل   

انا بقي عمري ما قريتها كده طول عمري بقرأها  حبيبة علي عمر كامل يعني أنا عمري ما هسيبك".

"جماعه الفيلم ملزق و رومانسي هابط.. رومانسية أوفر وغريبة جدا.. ايه المحن ده المفروض كبر بقي على الهبل ده من زمان".

هنا الزاهد توجه رسالة لتامر حسني

من جانبه، وجهت الفنانة هنا الزاهد رسالة للجمهور وتامر حسني وصناع فيلمها الجديد، معربة عن سعادتها الكبيرة بدورها في فيلم بحبك الذي يعرض حاليًا بدور العرض السينمائية.

شاركت هنا الزاهد متابعيها وجمهورها بنشرها صورة من كواليس فيلم بحبك والتي تجمعها بالفنان تامر حسني عبر صفحتها الرسمية بموقع التواصل الاجتماعي لتبادل الصور والفيديوهات "انستجرام".

وعلقت هنا الزاهد على الصورة قائلة: "طيب لحظة عشان بجد أنا سعيدة بردود الفعل عن دور حبيبة في فيلم بحبك من يوم واحد بس في السينما، وكمية الناس اللي بعتتلي مش من مصر بس من الوطن العربي".

وأضافت: "بشكر عليها ربنا أولا الحمد لله يا رب، تاني حاجة بشكر عليها تامر لإن بإخراجك وصلت المشاعر اللي كنت نفسي أوصلها، وشكرا إنك كنت بجد بتسهر ومبتنامش عشان توصل بكل ممثل في الفيلم لأحسن ما فيه".

واختتمت الفنانة هنا الزاهد كلامها عبر صفحتها الرسمية قائلة: "تجربة استمتعت بيها جدا وبكل تفاصيلها، ومتحمسة للناس تشوف الفيلم في العيد".

تامر حسني يرد على هنا الزاهد

ومن جانبه رد الفنان تامر حسنى على كلامها من خلال خاصية التعليقات قائلة: "يا هنا مليون مبروك نجاحك أنا شوفته بعين جديدة العين اللي وعدتك بيها ودلوقتي ربنا بيجازينا كل خير مش بس عشان تقدم إيرادنا في مصر والوطن العربي”.

وأضاف: “لا عشان رضا الجمهور ودا أهم شيء.. إحساسنا كلنا وصل للناس عشان صدقنا بعض وانتي الحقيقة ممثلة خطيرة وارجعي للبوست اللي كتبته عنك قبل الفيلم كنت قايل إنك هتبقى أخطر ممثلات مصر في الجيل الحالي”.

واختتم قائلًا: “إن شاء الله تكملى كدة.. متشكرينيش على إخلاصي ليكوا ده واجب عليا كمخرج ومؤلف إنكم كلكم تكونوا في أحسن صورة، والجمهور قال كلمته افرحي بنجاحك وبقلبك الجميل".