عايدة رياض: «أنا مسيحية بحتفل بعيد الأضحى والذبح في كل الأديان السماوية»

استنكرت الفنانة عايدة رياض فكرة التفريق بين مسلم ومسيحي في الإحتفال بعيد الأضحى المبارك، وذلك عن طريق حسابها الرسمي بموقع تبادل الصور والفيديوهات الشهير انستجرام.

تحيا مصر يرصد لكم رد عايدة رياض على منتقدي احتفالها بعيد الأضحى 

وقالت عايدة رياض عبر نستجرام: مسيحية وبحتفل بعيد الأضحى، أنا مش شايفة أن الموضوع كان مستاهل كل الضجة دي إطلاقًا.. كوني مسيحية وبشارك في الاضاحي وباكل فتة وبنعيش أجواء العيد مع بعض ودي حاجة مش بتقلل مني أول حتى بتثير الجدل بالعكس ده شيئ محمود جدا. 

وتابعت: الذبح عموما موجود في كل الأديان السماوية وموجود في ديانتنا وبنشترك كلنا وبنضحي وبنتجمع كالعادة وخلي اللي يتكلم يتكلم وأنا متعودة على كدا من زمان، وعمر ما حد كان بيسأل على ديانة حد.. الدين لله والوطن للجميع وكلنا في الأخر مصريين إخوات وأهل وصحاب وأحبة ومفيش فرق بينا إطلاقا.. ولما حد كان بيتكلم كلمة مش كويسة عن الإسلام كنت بطلع أرد بنفسي لأننا واحد يا جماعة مفيش فرق بينا.

وأختتمت عايدة رياض كلامها: نتشارك والوطن اللي بيجمعنا على المحبة والود وطول عمرنا إيد واحدة وهنفضل إيد واحدة ويقول غير كدا دول ناس فاضية وأنا مش عايزة أدخل في جدل مع حد من دول،  يا رب دايما متجمعين في الخير ودايما إخوات وأهل وصحاب وجيران وحبايب ودايما إيد واحدة وربنا يخلينا لبعض.

وجدير بالذكر، أن استعادت الفنانة الكبيرة عايدة رياض، فترة معاناتها مع مرض السرطان في مايو الماضي، من خلال نشر صورة لها عبر حسابها الرسمي بموقع الصور والفيديو«إنستجرام».

معاناة عايدة رياض مع السرطان

وعلّقت «رياض» على الصورة قائلة: «كل ما أشوف الصورة دي بشكر ربنا أنه أحياني من تاني بعد ما كان السرطان واكل صحتي وجلسات الكيماوي، كانت بتوقع لي شعري، ممكن تاخدوا بالكم من ملامحي كانت مرهقة إزاي».

وأضافت: «محدش هيحس بالمرض إلا صاحبه أنا فعلا وقتها كنت في حالة صمت وكنت بشتغل وأنا مريضة كانت معاناة والحمدلله ربنا قومني بالسلامة، ووقفت على رجلي من تاني وكل ما أقوم من النوم بحمد ربنا إنه شفاني وعافاني ربنا يحميكم ويحفظكم يا حبايبي».