خدت كل حاجة حيلتي .. زوج بمحكمة الأسرة: مراتي عايزه تشتغل وسايبه البيت يضرب يقلب

«احنا بنتعب في شغلنا وبنشتغل أكثر من اللازم علشان نحوش ونجيب شقة ونشتري عفش وفي الآخر مراتي أخذت  كل حاجه منى ولا كأنى عملت حاجه»..  أحمد بهذه الكلمات التي أطلقها في محكمة الأسرة ليحكي لـ تحيا مصر مأساته مع زوجته بعد أن رفعت عليه قضية خلع ونفقة وقائمة وأخذت كل شىء منه.

تفاصيل القصة

يقول الزوج أحمد، البالغ من العمر 41 سنة:" أنا أعمل بمكتب كمبيوتر واتجوزت منذ 7 سنين ولدى بنت، وزوجتي تبلغ من العمر 31 عاماُ، وهى لا تعمل، ونسكن معأ في القطامية، وحياتنا في البداية كانت مستقرة وهادية لا تشوبها خلافات ونزاعات ولكن بعد مدة تغيرت تلك الحالة، عند طلبت مراتي أن تنزل والبحث عن عمل".

ويضيف الزوج: "أنا معترضتش على فكرة الشغل، ولكنى اختلفت معها على الوظيفة، فهى تريد أن تعمل كول سنتر، وتلك الوظيفة تحتاج جهد كافي للإنصات و فهم الآخرين والتركيز، مما يتطلب منها جهد كبير ويجعلها مرهقة، ولا تستطيع تلبية طلبات المنزل، ولكنى ووافقت على نزولها للعمل ولم أعترض حتى لا تحزن وتزعل من ذلك".

سحبت كارت التكيف

ويوضح الزوج: "مراتي بدأت العمل فعلا، وكانت ترجع البيت مجهدة، لا تستطيع فعل شئ، حتى في يوم دخلت المنزل وغرفة النوم ووجدتها نائمة، والمنزل غير منظف والأكل غير جاهز، فأطفائت التكيف وأخذت كارت التكيف وأيقظتها من النوم، لتعد الطعام وترتب المنزل، ونزلت إلى القهوة، واتفاجئت لما رجعت البيت ووجدت أهل زوجتى كلهم في البيت، وزوجتى ليست فيه، ووجدت والد زوجتي وأخواتها مقتحمين المنزل، وكل ذهب زوجتى وملابسها ليست موجودة، وحدث نزاعات ومشاجرات بيننا بسبب أخذ كارت التكيف ونزلت، ولما طلبت رأيهم في الشقة، وعن عدم تنظيفها، ردوا وقالوا" أنت مش متجوز خدامة وأنت عاوز تخليها تقعد في الحر ده ده حكم قرقشوش ميرضناش".

رفعت دعوى نفقة

وستكمل الزوج: "كانوا عاوزين يضربوني، بس ربنا ستر ومشيوا وقالوا بنتنا هتهدا شوية عندنا وترجع بعد اللى أنت عملته ده، وفضلت مراتي على الحال ده أكثر من 6 شهور، وانتهى اختفاء زوجتي بظهور إعلان دعوى خلع وأنا اتصدمت بعد معرفة ذلك، ورفعت الخلع ورفعت كمان نفقة وخدت الشقة منى وانا سبتها ليها وبعد كده اتسجنت مرتين بسبب النفقة".

أنا كرهت بنتي

ويصف: "أنا بقيت بكرها بنتى ونفسي مشوفهاش تاني، وبجد مراتي خلتني سوابق وبأمشي في الشارع وأنا معايا أحكام اللى تثبت أني قضيت مدد الأحكام اللى عليا، ولحد دلوقتي بترفع عليا دعوى نفقة، وأنا مش معترض بس هى بتاخذ أجر مسكن وأنا اصلا سايب الشقة ليها والنفقة واتفقنا على عقد بإنها متنازلة عن حق إبنتها مقابل مبلغ من المال".

مبقهاش معايا حاجه

ويقول الزوج: ولكن اتفاجئت بإنها لسه بترفع دعوى النفقة والقاضي قالى هى مش مسئولة عن نفقة بنتها ولا تستطيع تتنازل عنها، وأنا حاليا مش عارف استمر، أنا اتجوزت وكل الفلوس اللى حوشتها اشتريت بيها الشقة العفش وبعد فترة جت مراتي خدت كل حاجه وأنا مبقاش معايا حاجه وكمان أنا بأجر شقة بفلوس وسايب الشقة ليها".