بيعد عليا اللقمة..زوجة خمسينة بمحكمة الأسرة : إتجوزت أبخل واحد فى الدنيا

سيدة خمسينية تزوجت وهى كبيره لتحسن اختيار زوجها، وتختاره بعناية، فهى سيدة لا تبدو عليها علامات الكبر وترتدى جينز وبلوزة وطرحة وملابسها مهندمة ولائقة، وتهتم بمظهرها الخارجي، وهى تزوجت من رجل كبير في السن لتكوين عائلة، دون مشاكل، وهى الأن تقف في محكمة الأسرة ويرصد تحيا مصر قصتها مع زوجها.

قالت الزوجة جيهان، البالغة من العمر 51 عاماً:" أنا أتجوزت جوزي منذ خمس سنين، وللأسف أتجوزت وعمري كبير، وجوزي كان شخص مقتدر مالياُ وهو صاحب شركة، وعمره 61 عاماً، ومعنديش عيال منه، وحياتنا هادية مفيهاش مشاكل وشخصيته محترمة إلى أقصى الحدود".

وتضيف جيهان:"أنا أعجبت في البداية بشخصية جوزي ومكنش فيه فترة خطوبة واتجوزنا عالطول، بس للأسف غلطت في كده، كان لازم أعمل فترة خطوبة قبل الجواز، علشان أعرف جوزى كويس وأستطيع أعرف هل سأستطيع أن أكمل حياتي معه أم لا".

وتقص جيهان ما عاشته مع زوجها وتقول: "أنا جوزي أول ما ببدأ أكل بيقعد يبص عليا ويشوف، أنا خلصت كام رغيف، ولما أكل رغيفين خبز، ينظر لى ويقولى ما كفاية أكل بقا، كده الأكل هيخلص، ولما بشرب عصير، يرد عليا ويقول اشربي نص الكوباية ووفري الباقي لوقت تاني معدتك صغيرة متحوليش تكبيرها" .

وتستكمل الزوجة: " جوزي أوقات بيخبي منى الأكل والشرب علشان ميخلصش، وبيقلل في مصروف البيت علشان يوفر، حتى التكيف لما بشغله بيطفي علشان الكهرباء متجيش مرتفعة، أن عايشه مع أبخل رجل في العالم، حتى وأحنا نازلين نتمشي شوية، بيخلينى أمشي مش نركب وبتبقى المسافة كبيرة وهو كل فكرته التوفير".

وتضيف الزوجة: "جوزى بدأ يتخانق على الأكل والشرب وأننا لازم نقلل شوية علشان المصاريف والإلتزامات، وأنا كنت متضايقة أننا معنداش أولاد، بجد ربنا رحمهم من جوزي البخيل ده، محسسني إنه هياخد كل الفلوس اللى بيحوشها دى وهو هيسيب كل حاجه في الآخر لما يموت".

وتختتم:"أنا طلبت منه الطلاق وهو رفض يطلق علشان ميدفعش أى حاجه، وعلشان كده أنا رفعت دعوى خلع ضده، وقولت للقاضي ده بيعد عليه اللقمة اللى باكلها وجوزى حضر الجلسة وطلب من القاضي أن أرد ليه فلوس العمرة اللى دفعهملى لو كنت هخلعه، وقتها القاضي استحقر تصرفه، ولسه القضية شغاله ضده".