دينا المصري في أول تعليق بعد تهديدها بالانتحار: "طلعت غالية عندكم ومهمة"

فاجئت المطربة دينا المصري جمهورها ومتابعيها بأول تعليق لها بعد محاولة انتحارها واختفائها لأيام عقب نشرها مقطع فيديو عبر صفحتها تهدد بالانتحار.

تحيا مصر يرصد أول تعليق لـ دينا المصري بعد تهديدها بالانتحار

أول تعليق من دينا المصري بعد تهديدها بالانتحار

كتبت دينا المصري في منشور عبر صفحتها بموقع التواصل الاجتماعي “فيسبوك”: “ياه على كم الرسايل اللي مقدرتش أفتحها كلها اللي جيالي من ناس معرفهاش وناس كان بينا يدوب سلام من سنين”.

وتابعت: “وناس مكناش بنتكلم بقالنا زمن وناس مفيش بنا محبة أصلًا وناس أعرفها مسكتتش وفضلت ورايا لحد ما تطمن بأي شكل.. قد كده أنا طلعت غالية عندكو ومهمة قد كده حياتي مش هاينه عليكو أكتر مني قد كده أفرق معاكو”.

وأضافت دينا المصري: “أنا أزاي مشوفتش كل الحب ده ولا ده مبيظهرش إلا في المصيبة بس، بجد مش عارفه أفرح بيكو ولا أحزن على حالي بس الأكيد إني أنا حاسة إني مش قادرة أحس، حد فاهم حاجة".

محاولة انتحار دينا المصري

يذكر أن الفنانة دينا المصري كانت قد هددت بإنهاء حياتها وقدومها على الانتحار في بث مباشر عبر صفحتها الرسمية بموقع التواصل الاجتماعي فيسبوك، وقالت: “آخر مرة هتشوفوا وشي، وآخر مرة هتسمعوا الكلام دا، أنا دلوقتي اتصلت بماما علشان أسمع صوتها لآخر مرة بس تليفونها مقفول، كلكوا طبعا عارفني كويس، وعارفين إن عمري في حياتي ما ضعفت بالشكل ده”.

وأضافت: “أنا اسمي دينا وعندي 29 سنة، خريجة سياحة وفنادق، مطربة، أنا متربية بين أم وأب انفصلوا من وأنا عندي 7 سنين، نزلت اشتغلت من وأنا عندي 9 سنين كل حاجة، بياعة في محل ملابس، في سنترال، خضار وفاكهة، في مصانع”.

وتابعت: “معصرة قصب بنزينة، والدتي اتجوزت بابا اللي رباني أنا وأخويا وحبني أوي، وأنا حبيته بس ما كنتش عارفة إني بحبه أوي إلا لما ربنا افتكره.. من بعد ماما انفصلت عن بابا وأنا تعبانة، ودايما بدور على حاجة نقصاني في وشوش الناس، في الصحاب، في الحبيب، في الأهل، في الشغل، دايما بدور على أب، دايما حاسة إن ضهري عريان من بعده”.

اقرأ أيضًا

"تصل سعر التذكرة إلى 3500 جنيه".. تفاصيل حفل تامر حسني في العلمين الجديدة

واستكملت: “ومن بعده ما فيش حد عرفني إلا وكان عايز مصلحة، من حبيب أهل، صلة دم، قريب صحاب، عايزين ياخدوا فلوس وحب وحاجات كتيرة.. بقالي فترة بعافر بس تعبت وروحت لدكتور نفسي، بقالي فترة بتعالج وباخد منوم ومهدئات وتعبانة بردو، أنا قررت إن أنا أنهي حياتي”.