المطربة أمينة تحيي ذكرى وفاة شقيقتها: "كل حاجة فالكلام عنك مش هيخلص"

حرصت المطربة أمينة على إحياء الذكرى الثالثة لـ وفاة شقيقتها، وذلك من خلال مشاركة صورتها بجانب والديها عبر موقع التواصل الإجتماعي “انستجرام” وتوجيه رسالة مؤثرة لهم.

تحيا مصر يرصد في ذلك التقرير إحياء أمينة لـ ذكرى رحيل شقيقتها

وكتبت أمينة عبر “انستجرام”: “أختى انهاردة بقالها ٣ سنين متوفية كإنهم تلت أيام مش هتكلم كتير بس هقولكم ان يارب، تكونو فعلًا بتحسو بينا وبكل اللى فى قلبنا ليكم كل اما بكبر بحس انى محتاجة لكم أكتر بحس ساعات انى بجد عيلة صغيرة مهما كبرت وكبرت مسؤولياتى بالذات كأم بسأل نفسى انتو ربتونا ازاى ازاى ست لا حول لها ولا قوة الا من عند ربنا تتولى مسؤولية زى دى وأب كمان بيشقى ويتعب ويشتغل بدل الشغلانة اتنين وتلاته عشان يعيشنا كويس الله يرحمك يابويا ويرحمك يا أمى”.

وتابعت متحدثة عن شقيقتها: “أما أمى التانية وأختى وكل حاجة فالكلام عنك مش هيخلص الله يرحمك يا حبيبتي الله يرحمكم ويجعلكم انهاردة من رحالة عرفة يارب”.

مرض المطربة أمينة

وفي وقت سابق، أعلنت المطربة أمينة عن إصابتها بتمزق في الأربطة وذلك عبر حسابها الشخصي بموقع التواصل الإجتماعي فيسبوك بعدما تعرضت لهجوم شنيع  اثر سقوطها من على المسرح، فكتبت:  جماعة الناس اللي مفكرة أن العيشة وردي وياما هنا ياما هناك، إحنا برضو بني آدمين وبنتعب وبيحصل انتكاسات زي أي حد، ودي حاجة حصلت غصب عني ورغم أني كنت بتحامل على نفسي عشان خاطر فيه ناس جايه عشان تشوفني مارضتش أمشي ونتيجة تحملي علي رجلي جالي تمزق في الأربطة.

أمينة للجمهور: ليه الحقد والغل اليل فيكم ده

وتابعت: كل ده مش مهم قد ما مهم أوى أني لقيت ناس كتير الحمد لله بتبعت تسأل عليا وتطمن عليا، وناس تانية بتشتم فيا وشمتانه فيا وبتقول أحسن ما تقطع، أحسن دي بتترقص، أحسن دي مش عارف أيه؟! ليه كل ده؟! ليه الغل والحقد ده؟ ليه الكره غير المبرر ده؟!..  جماعة إحنا أبسط من كده بكتير وأي شو إعلامي بيظهر قدامكم اوعوا تتخدعوا فيه أنا أمينة أختكم وبنتكم ومكنتش متوقعة ألقى فيه ناس كتيرة كده جواها غل وحقد من ناحيتي، ربنا يهديكم ويبعد عننا النفوس المريضة دي يا رب.