"حسن ميقصدش".. عمر كمال يعلق على أزمة أغنية "بنت الجيران"

أوضح مطرب المهرجانات الشعبية الفنان عمر كمال عبر شاشة برنامج “et بالعربي” أن أزمة أغنية “بنت الجيران” الأخيرة كانت بسبب سوء فهم من الفنان حسن شاكوش، حيث قال: “حسن طيب وميقصدش، وأكيد حد قاله معلومة غلط، وهو طلع قالها بشكل مش صح، فصناع الأغنية اتضايقوا، ولكن المعلومة اللي قالها حسن مش صح”.

تحيا مصر يرصد تعليق عمر كمال على أزمة أغنية “بنت الجيران”

وتابع عمر: “مدين ومحمد عاطف وأحمد إبراهيم ومحمد حماقي كلهم نجوم كبيرة مينفعش نقول عليهم أنهم سرقوا الأغنية، فهما ناس كبيرة وقبل ما احنا نخش المجال كانوا مكسرين الدنيا، وليهم كل الاحترام والتقدير، وإن شاء الله ممكن بنت الجيران ترجع تاني”.

وأضاف: “تواصلت مع صناع أغنية حاجة مستخبية في بداية الخلاف للاعتذار منهم، وملهاش لازمة أكرر دا تاني، عشان اتحرجت منهم”.

واختتم عمر حديثه بأنه إذا عاد به الزمن سيغني أغنية “بنت الجيران” مرة أخرى، لأن العالم كله استمع إليها، مشيرًا إلى أنه لا توجد أغنية مصرية حققت في سنتين أكثر من 600 مليون مشاهدة.

أزمة أغنية “بنت الجيران”

اشتعلت مؤخرًا أزمة قوية بين صناع أغنية “حاجة مستخبية” لمحمد حماقي وصناع أغنية “بنت الجيران”، بعدما نفى حسن شاكوش سرقة لحن “بنت الجيران” من لحن أغنية “حاجة مستخبية”، مؤكدًا أن لحن “حاجة مستخبية” تم سرقته من لحن تركي، وبعد ذلك التصريح استطاع صناع عمل “حاجة مستخبية” حذف أغنية “بنت الجيران” من اليوتيوب ردًا على شاكوش.

أغنية "بنت الجيران"

تم إصدار الأغنية سنة 2020 بغناء حسن شاكوش وعمرو كمال, وقد حظت بإعجاب الكثيرين، وحققت نجاحًا ساحقًا على موقع "يوتيوب" ب600 مليون مشاهدة، وهي من كلمات مصطفى حدوتة، وتوزيع موسيقي إسلام ساسو، ومن كلماتها:

سكر محلي محطوط على كريمة، كعبك محني والعود عليه القيمة، وتجيني تلاقيني لسه بخيري، مش هتبقي لغيري أيوه أنا غيري مفيش، بنت الجيران شاغلة لي أنا عينيّ، وأنا في المكان في خلق حواليّ، مش عايز حد ياخد باله من اللي أنا فيه، شفت القمر سهرني لياليّ، وهموت عليك ربي العالم بيّ، سيبي شباكك مفتوح ليه، ليه تقفليه، بهوايا إنت قاعدة معايا عينيك ليّ مراية، يا جمال مراية العين، خليك لو هتمشي أناديك، إنت ليّ أنا ليك إحنا الإثنين قاطعين، تسيبيني أكره حياتي وسنيني هتوه ومش هلاقيني، وهشرب خمور وحشيش، وتجيني تلاقيني لسه بخيري، مش هتبقي لغيري، أيوه أنا غيري مفيش.