فتحي عبد الوهاب يشيد بموهبة أحمد مكي: «معندوش حاجة بايته»

أشاد الفنان فتحي عبد الوهاب بموهبة الممثل والمخرج أحمد مكي، وأكد أنه دائم التجدد ولا يقف عند حد معين في الإبداع، وذلك أثناء حواره في The insider بالعربي.

تحيا مصر يرصد لكم إشادة فتحي عبد الوهاب بموهبة أحمد مكي 

وقال فتحي عبد الوهاب: “روحت مهرجان المزاريطة عشان أي دعوة من أي نوع من زميل زي أحمد مكي، لازم البيها على طول، وتجربتي في الكبير أوي 6 للأسف بقدر ما كانت ممتعة جدًا، بقدر ما كانت قصيرة جدًا عشان صورت في يوم واحد، عشان أقدر أرجع أصور في جزيرة غمام”.

وتابع: “أنا من جمهور أحمد مكي، صديق عزيز وأخ كريم، وأنا أعرف مكي من قبل ما يبقى ممثل، ولو أدى نفس وقت التمثيل للإخراج هيبقى من العظماء”.

وأردف: “أحنا كنا هنعمل فيلم وهو كان مخرج فيه اسمه «عقد يعقد» من 15 أو 16 سنة، ولظروف ما الفيلم توقف. وسألته عليه، قالي محتاج يتعمله إعادة كتابه تاني، عشان هو اللي كان كاتب الإسكريبت، وهنعمله مجرد ما يتعاد كتابته، وكان سيناريو رائع وفي تعدد في الشخصيات، حوالي 7 شخصيات، وممكن يبقى فيلم تجاري ويعمل إيرادات مهولة”.

واختتم كلامه، قائلًا: “مكي بيعمل تحديث طول الوقت مش بس لأدواته الفنية بس، بيعمل تحديث للضحك يعني مش الضحك عنده مش بايت”.

فتحي عبد الوهاب: الفن أداة لإرتقاء المشاعر والروح

وقال فتحي عبد الوهاب في تصريح لـ برنامج Et بالعربي: “ لو الحكاية كده هل أول جريمة قتل في التاريخ كان مسلسلات برضه ولا إيه، في حاجة لها علاقة في غرائز البشر وكوامن النفوس البشرية، ربنا زي ما حط فينا الشر حط الخير، فكرة أنه بناء على ثقافك وتربيتك وبيئتك وأخلاقك، بتغلب أنهي جانب واستعدادك لتحمل الضغوط ووعيك للواقع اللي يتعيش فيه، وده مالوش علافة بالمسلسلات والأفلام”.

وتابع: “الفن بيرتقي بالروح والمشاعر مش وسيلة تربية ولا تعليم.. الفن عمره ما كان كده، الفن حر عن كده مش هنقدر نقول إن ده السبب، لأن كده إحنا بنحمل الفن أكتر مما يحتمل فأعتقد أن الكلام ده فيه قصور”.