فتحي عبد الوهاب يكشف تفاصيل فيلم لم يكتمل مع أحمد مكي «فيديو»

تحدث الفنان فتحي عبد الوهاب عن تفاصيل مشاركته في مسلسل الكبير أوي الجزء السادس، مع الفنان أحمد مكي، كما كشف العديد من الأسرار عن بعض الأعمال التي لم تكتمل له مع مكي.

تحيا مصر يرصد لكم كشف فتحي عبد الوهاب عن سر عدم اكتمال فيلم يجمعه بمكي 

وقال فتحي عبد الوهاب أثناء حواره في برنامج The insider بالعربي: “تجربتي في الكبير أوي 6 للأسف بقدر ما كانت ممتعة جدًا، بقدر ما كانت قصيرة جدًا عشان صورت في يوم واحد، عشان أقدر أرجع أصور في جزيرة غمام”.

وتابع: “أنا من جمهور أحمد مكي، صديق عزيز وأخ كريم، وأنا أعرف مكي من قبل ما يبقى ممثل، ولو أدى نفس وقت التمثيل للإخراج هيبقى من العظماء”.

وأردف: “أحنا كنا هنعمل فيلم وهو كان مخرج فيه اسمه «عقد يعقد» من 15 أو 16 سنة، ولظروف ما الفيلم توقف. وسألته عليه، قالي محتاج يتعمله إعادة كتابه تاني، عشان هو اللي كان كاتب الإسكريبت، وهنعمله مجرد ما يتعاد كتابته، وكان سيناريو رائع وفي تعدد في الشخصيات، حوالي 7 شخصيات، وممكن يبقى فيلم تجاري ويعمل إيرادات مهولة”.

فتحي عبد الوهاب عن أحمد مكي: معندوش حاجة بايته

واختتم كلامه، قائلًا: “مكي بيعمل تحديث طول الوقت مش بس لأدواته الفنية بس، بيعمل تحديث للضحك يعني مش الضحك عنده مش بايت”.

تصريحات فتحي عبد الوهاب عن الفن

وجدير بالذكر، أن أعرب الفنان فتحي عبد الوهاب عن غضبة من الإتهامات الموجهة للفن والذي قالوا فيها بأن الفن أداة لتسهيل الجرائم والعنف واستباحاتها، ليرد عبد الوهاب بأن الفن أداة لإرتقاء المشاعر والروح.

وقال فتحي عبد الوهاب في تصريح لـ برنامج Et بالعربي: “ لو الحكاية كده هل أول جريمة قتل في التاريخ كان مسلسلات برضه ولا إيه، في حاجة لها علاقة في غرائز البشر وكوامن النفوس البشرية، ربنا زي ما حط فينا الشر حط الخير، فكرة أنه بناء على ثقافك وتربيتك وبيئتك وأخلاقك، بتغلب أنهي جانب واستعدادك لتحمل الضغوط ووعيك للواقع اللي يتعيش فيه، وده مالوش علافة بالمسلسلات والأفلام”.

وتابع: “الفن بيرتقي بالروح والمشاعر مش وسيلة تربية ولا تعليم.. الفن عمره ما كان كده، الفن حر عن كده مش هنقدر نقول إن ده السبب، لأن كده إحنا بنحمل الفن أكتر مما يحتمل فأعتقد أن الكلام ده فيه قصور”.