الرئيس السيسي: «والله العظيم لو اتوجد 100 ألف دارس بكليات الحاسبات لأصرف عليهم 12 مليار في تعليمهم»

طالب الرئيس عبدالفتاح السيسي، من وزير الاتصالات وتكنولوجيا المعلومات المهندس عمرو طلعت، قبل بدء فعاليات «مصر الرقمية»، أن يتأنى في شرح ما تم إنجازه، قائلًا: «إحنا عاملين اليوم ده للمصريين والدولة المصرية، علشان نلقي الضوء على أهمية المستقبل الرقمي ومستقبل مصر وأولادنا، وبالتالي من فضلك خد راحتك وبراحة علشان الناس تعرف».

تحيا مصر

الرئيس السيسي يشيد بإنجازات وزارة الاتصالات

وتابع الرئيس السيسي: «إحنا كنا ممكن نعمل التخرج بتاع المجموعة دي ولا حد يسمع عنها حاجة، بس إحنا عملنا ده علشان نقول للناس لو كنتوا بتتكلموا في التعليم وعايزين تعرفوا التعليم اللي ممكن يكون ليه فرصة حقيقية في التطوير والعمل لولادنا وبناتنا، لازم كلنا نهتم وننتبه ونبذل الجهد سواء في التعليم أو المبادرات التي سيتم طرحها اليوم، واللي ممكن يتعمل علشان ندي فرصة حقيقة للموضوع، اتكلمنا في الموضوع ده قبل كده، وعملنا مسابقة طلع 111، وقتها الدكتور خالد وزير التعليم قابلني وقالي لو عملنا مسابقة زيها هنجيب أكتر من كده، وأنا بقوله ياريت والله أنا أتمنى»، وأضاف مؤكدًا: «والله العظيم لو اتوجد 100 ألف دارس، لأصرف عليهم 10 12 مليار جنيه في تعليمهم».

الرئيس السيسي يشهد إطلاق منصة مصر الرقمية

وصل الرئيس عبد الفتاح السيسي، منذ قليل، إلى مركز المنارة للمؤتمرات؛ لافتتاح عددًا من مشروعات «مصر الرقمية» لوزارة الاتصالات وتكنولوجيا المعلومات، وحرص على التقاط صورة تذكارية مع المشاركين قبل بدء فعاليات المؤتمر.

وصرح السفير بسام راضي المتحدث باسم رئاسة الجمهورية السفير بسام راضي، أن الرئيس سيشهد إطلاق منصة مصر الرقمية، وكذلك افتتاح عدد من المشروعات عبر الفيديو كونفرانس، مثل محطات إنزال الكابلات البحرية في كل من رأس غارب، والزعفرانة، وسيدي كرير، فضلاً عن افتتاح مركز البيانات الدولي بالقاهرة، ومدارس المصرية للاتصالات للتكنولوجيا التطبيقية، ومراكز ابداع مصر الرقمية، وتطوير متحف البريد المصري.

الرئيس السيسي يشهد فاعليات الجلسة الحوارية للشباب المشاركين

كما أوضح بسام راضي أن الرئيس سوف يشهد فاعليات الجلسة الحوارية للشباب المشاركين في المبادرات والمستفيدين من المنح الخاصة بوزارة الاتصالات وتكنولوجيا المعلومات.