رحمة حسن: "كان أخر حقنة ليا إمبارح.. وللأسف مفيش إجراء اتخذ ضد الكلب"

كشفت الفنانة رحمة حسن تفاصيل جديدة حول حالتها الصحية بعدما تعرضت لعضة كلب شرس في مكان حساس، مشيرة إلى أن أخر رحلتها العلاجية كانت أمس الإثنين.

تحيا مصر يرصد في ذلك التقرير تطورات الحالة الصحية لرحمة حسن

كتبت رحمة حسن عبر حسابها الرسمي بموقع تبادل الصور والفيديوهات “انستجرام”: “للأسف إحنا عملنا اللي علينا ومحصلش أي جديد بخصوص الكلب، وكل شوية تأجيل تأجيل بداية بأن مفيش مكان عاوز يقبل الكلب لأن سنه أربع سنين ونصف، لحد إن شاء الله بعد العيد نبقي نجيبله بس لسه مش عارفين امتى أنا حبيت بس أشارك معاكم اللي حصل، امبارح كانت آخر حقنة ليا وطبعا بكون بعدها تعبانة لمدة يومين ومن أسبوعين فاتوا بعد الحقنة الرابعة دخلت المستشفى بالليل لأني كنت تعبانة جدا بعدها”.

رحمة حسن تتعرض لهجوم شرس من قبل كلب

وكانت قد كشفت رحمة حسن عن تعرضها لعضة قوية من قبل كلب فقالت: “مساء الخير.. امبارح الساعة ١١ بليل كنت نازله اجيب حاجه من السوبر ماركت جمب البيت ، وكنت ماشيه علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) تقريبا مَش متاكده اوي ، بيهجم عليه بكل قوته”.

وأضافت: “طبعا حاولت اجري لكن للأسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضة كبيره وغويطه بنابه في منطقه حساسة .. صاحبه الكلب كتر خيرها اخذتني فورا علي مستشفي امبابه ، ادوني حقنه تطعيم الكلب ولسه فاضلي ٤ هاخدهم خلال شهر، بس المشكلة ان من امبارح الجرح بينزف دم كتير ، وانا طبعا خايفة ومصدومة.. وتعبانه وعندي تروما من امبارح ، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتاذي ويتعض ويتبهدل في الشارع زيي”.

إقرأ أيضا: ديانا كرزون تفجر مفاجأة كبرى وتعتذر عن مهرجان جرش لهذه الأسباب

واختتمت رحمة حديثها: “ “أنا كنت بحب انزل احط اكل ومايه للكلاب والقطط تحت البيت ، دلوقتي انا حقيقي مرعوبة اقرب منهم وخايفه جدا..انا اسفه طولت عليكم بس انا بجد مَش عارفه المفروض اعمل ايه عشان محدش تاني".