قتله بالشومة ووقف يرقص بقفص الفراخ.. أسرة شاب المعصرة: المتهم مسجل وخلص على أحمد وكان فرحه بعد العيد| فيديو

ألتقى تحيا مصر، أسرة أحمد الشاب صاحب عمر 21 عاماً الذي قتل على يد صاحب ورشة بطريقة وحشية بعزبة الهجانة التابعة لمنطقة المعصرة، لتروى لنا والدتها تفاصيل تلك الجريمة.

سبب القتل

قالت والدة المجني عليه:"أنا ابنى فقدته بسبب قفصين فراخ، وابنى أحمد محبوب وسط الناس ونور عيني، والشخص اللى خلص على أحمد ده بيغير منه وبيكره حب الناس لأحمد إبني، وابني مأجر محل الفراخ ده منذ سنة، ويوم الواقعة راح الشخص القاتل رمي لأحمد قفصين الفراخ خارج المحل، وشخص اتصل بابني وحكى اللى حصل أثناء غيابه، وابنى أخبره أنه يرجع القفصين المحل وخلاص".

زوجة المجرم هي سبب الوفاة

وتضيف والدة أحمد: "الراجل حمل قفص الفراخ من مكانه، ورجع ابنى أحمد رجع القفص، فقاله قفصك مخبي شغلي، وابني بيشيل القفص ويرجع مكانه، فضربه على رجله فسقط أحمد ثم زوجة المجرم أعطته شومة، فنزل بالشومة على رأس أحمد مرتين، ولقيت صاحبه جايبه في توكتوك مغمي عليه، ونادوا على دكتور، أنا أهز أحمد يمين وشمال مبيردش وملابسه كلها دم، وروحت بيه على مستشفي الإنتاج الحربي وعملوله كذا إشعة، وخرج الدكاترة وراء بعض وسائلتهم عن حالة ابنى ولم يردوا".

ابنك مات يا حاجة

وبصدمة والدة أحمد تقول: "الدكتور قالى إبنك مات يا حاجه، وأنا وقعت من طولى، وابنى جنازته كل الناس حضرتها أنا معرفهاش، ابنى محبوب وعمره ما طلبت منه حاجه وبخل عليا، وكان بيصرف على دراسته وبيشتغل وبيصرف عليا، وناس ظهرت في الجنازة احنا بقينا يتمى بعد وفاة أحمد، كان بيصرف علينا ويعطينا فلوس".

وقال والد أحمد:"أنا عرفت أن ابنى أتوفي النهاردة الصبح، وروحت المستشفي وجدت أذن ابنى بتنزف دم، والشخص اللى قتل ابنى ده شخص مسجون، وأنا ابنى كان فرحه بعد العيد، واليوم اللى أحمد مات فيه ظهرت نتيجته وهو نجح في الدنيا وفي الآخرة، ابنى عنده 21 سنة، وبيدرس وبيشتغل واللى قتله شخص قاتل وعليه أحكام، والمفروض يتحكم عليها بالإعدام، لأن القاتل اتسجن قبل كده في جرائم مشابهة، ولازم إعدامه".

ويستنجد والد أحمد قائلا: "أنا بطلب القصاص من المتهم بأقصى عقوبة، ابنى اتقتل مع سبق الاصرار واحنا مش هنعمل عزاء غير لما ابنى يأخد حقه".

وأضافت زوجة خال أحمد: "أحمد بيعتبرني أمه بعد أمه، وكنت صحبته، كان بيحكيلي كل مشاكله، وكنت واقفة قصاد المحل عند حدوث الواقعة ولقيت الناس بيقولولى أحمد أتصاب، ولقيت المجرم القاتل واقف بقفص وبيضحك ولا خايف من اللى عامله، وده لازم يتعاقب المجرم ومراته، لإنها هى اللى ساعدت جوزها بإحضارها الشومة وضرب أحمد، مما أدئ إلى الوفاة".