عمرو دياب لـ عمال فندقه في الساحل الشمالي: أنا اللي اطلب اتصور معاكم مش أنتم

التقط أحد العاملين، صورة  مع الهضبة عمرو دياب، في الفندق الخاص به في مراسي الساحل الشمالي.

تحيا مصر يرصد التقاط عمرو دياب صورة رفقة عمال فندقه

وشارك العامل، صورة بجانب عمرو دياب عبر حسابه الشخصي بموقع التواصل الاجتماعي فيسبوك، وقال: الصورة دي امبارح في فندق عمرو دياب الجديد في مراسي قمة الأخلاق والاحترام والتواضع، والله أول ما طلبت الصورة منه قالي أنا اللي اطلب منكم أتصور معاكم مش أنتم وأخد الفون منى وتصورنا كدا الهضبة فـ قلبي حقيقي.

حفل عمرو دياب في العلمين

من جانبه، يستعد الفنان عمرو دياب لإحياء حفله الأول خلال موسم صيف 2022 بمصر، ويقام الحفل في العلمين بالساحل الشمالي يوم 12 يوليو الجاري.

وتراوحت أسعار التذاكر من 1250 جنيهًا إلى 10 آلاف جنيه

حددت الشركة المنظمة للحفل أسعار تذاكر حفل عمرو دياب في العلمين كالتالي:

1.250- 1.500، 2.000، 2.500، 3.500، 4.000 ،5.000، 10.000 جنيه.

شروط حفل عمرو دياب في العلمين

تم تحديد عدد من الشروط لحضور حفل عمرو دياب، أهمها الحضور بملابس بيضاء، والحضور ممنوع لمن هم أقل من 21 عامًا، وسيغني الهضبة لأول مرة أغنيّته «اللوك الجديد»، وهي أولى أغنيات ألبومه لصيف 2022، أمام الجمهور في الحفل.

عمرو دياب يطرح أحدث أغانيه

وطرح الفنان عمرو دياب أغنيته الجديدة «اللوك الجديد» عبر إحدى المنصات الموسيقية مؤخرًا.

أغنية «اللوك الجديد» كلمات أيمن بهجت قمر، وألحان محمد يحيى، وتوزيع محمد حمدي، وميكساج وماستر أمير محروس.

وتقول كلمات أغنية «اللوك الجديد»: «ده اللوك الجديد ده إيه ده ولا، إحلوينا أوي الله، لو هتفضل ع النظام ده لا لا، كده كتير حبيبي، إيه تجنني عملتك إيه، بتسحرني يابن الإيه، ولعبت يا نهار طلة، كل مرة أشوفك برج عقلي بيطير، طب معقول في كده يا نهار أبيض، حد كل ماده بيحلى أزيد وأزيد، سيبك من الكلام ده تعالى هنا أفيد، هنا هنا غير، ده إنت في دخلتك تسحر تثبت، قولت لنفسي مش هسيبه لا أنا متبت، ده يادوب تعدي تلاقي الدنيا اتقلبت، وأنا بغير».