النائب هشام حسين في الذكرى التاسعة لثورة 30 يونيو: أول خطوة في طريق بناء الجمهورية الجديدة

قال النائب هشام حسين، عضو مجلس النواب، أنه نحتفل اليوم بمرور ٩ سنوات على ثورة ٣٠ يونيو، عندما  قرر الشعب إنه يتحرك لتصحيح المسار وينقذ بلده من واقع مؤلم ومستقبل مظلم. 

تحيا مصر

الجمهورية الجديدة

وأضاف حسين: أوقات كتير بقارن بين الوضع اللي احنا كنا فيه وكلامنا دلوقتي عن تأسيس الجمهورية الجديدة والحقيقة بوصل لنتيجة واحدة وهي أن أول خطوة اخدناها في طريق بناء الجمهورية الجديدة كانت يوم ٣٠ يونيو ٢٠١٣. 

الأزمات الاقتصادية العالمية

 

وتابع عضو مجلس النواب: مشينا مع بعض طريق صعب وطويل، صحيح واجهتنا مشاكل على كل المستويات وإرهاب وخطر حقيقي كان بيهدد وجود الدولة بس بفضل ربنا وبفضل وعي شعبنا عدينا كل ده بنجاح، مضيفا: حاجات كتير في بلدنا اتغيرت، بقى عندنا شبكة طرق على أفضل مستوى وبرامج حماية اجتماعية للفئات الأكثر ضعفًا في المجتمع وثورة تحديث شاملة في كل مرافق الدولة وتخطينا صعوبات كتير  زي فيروس كورونا والأزمات الاقتصادية العالمية وقبل ده كله حققنا انتصار شهد بيه العالم كله ضد الإرهاب. 

واستكمل حسين: مش معنى كلامي أن المشاكل خلصت أو أنتهت لكن المهم اننا بنحاول كل يوم ، شغالين ، بنجتهد ، وبنواجه الصعاب مع بعض ، واحنا عارفين إن الجمهورية الجديدة طريقها طويل  مشيناه وهنكمله عشان بلدنا وعشان ولادنا.