بعد حوادث الانتحار والقتل.. عبير صبري: "لازم يبقى فيه بوليس للسوشيال ميديا"

علقت الفنانة عبير صبري على الحوادث المنتشرة حاليًا من انتحار وقتل وهاجمت السوشيال ميديا في كلامها عبر صفحتها بموقع التواصل الاجتماعي.

تحيا مصر يرصد تعليق عبير صبري على السوشيال ميديا

تعليق عبير صبري

شاركت الفنانة عبير صبري متابعيها وجمهورها بنشرها تعليقها عبر صفحتها الرسمية بموقع التواصل الاجتماعي لتبادل الصور والفيديوهات انستجرام.

وقالت الفنانة عبير صبري في تعليقها: “الضغوط على الناس والشباب عالية جدا، خصوصا على السوشيال الميديا الشريرة اللي بتوري صورة للناس على إنهم متميزين وبيرفكت من خلال صور مزيفة ومش حقيقية”.

وتابعت: “وصور بالفلاتر وصور الأكل الفاخر والملابس الفاخرة والسفريات للمالديف وغيره والشنط الغالية والأجسام وعمليات النحت، وعايزة أبقى شبه فلان أو فلانة وعايز أبقى مشهور وخلاص”. 

عبير صبري رمضان 2022

واستكملت الفنانة عبير صبري: “حتي لو شهرتي قايمة على إني أتصور وخلاص واسمي اللي بعمله بلوجر، وده شيء بلا محتوى أو قيمة حقيقية وعايز تليفون زي اللي في إيد صاحبي وقرف كتير والشباب مش عارف يبقى سعيد لأنه عايز ساعة غالية وعربية غالية”.

وتابعت: “ومبقاش حد بيدور على معنى السعادة الحقيقية، وكل الناس بتقلد بعض، أرجوكم السوشيال ميديا دي لازم يبقي ليها ظابط ورابط، لازم الدولة تتدخل، لازم يبقى فيه بوليس للسوشيال ميديا دي، ما يقدر على القدرة إلا ربنا يا جماعة”. 

واختتمت قائلة: “شاركوني آراءكم ايه السبب في الانتحار اللي شوفناه من شباب صغير لسه ادامه الحياه وجريمه قتل مرعبة لبنت مسكينة ملهاش ذنب تفتكروا الشباب وصل لكده ازاي هل السوشيال ولا الأهل ولا التربية ولا ايه.. صدقوني كل الناس عندها مشاكل حتي لو مش بتظهر ده للناس وبيظهروا عكس كده”. 

اقرأ أيضًا

وفاء عامر بعد إنقاذ رقية: "محتاجين صندوق لعلاج الحالات الحرجة والأجهزة اللي مش متوقرة"

وفي سياق آخر، كانت قد شاركت الفنانة عبير صبري ضمن الموسم الرمضاني الماضي لعام 2022 من خلال مسلسل يوتيرن برفقة ريهام حجاج، توفيق عبد الحميد، وعدد من النجوم مثل كريم قاسم، أيمن القيسوني، عبير منير، صفاء الطوخي، ونانسي صلاح، ومحمود حجازي وآخرين.