رحيل ذكرى تفجرها: «أهلي شاهدين على جوازي من محمد الشقنقيري ومعايا أدلة»

خرجت الموديل رحيل ذكرى عن صمتها لترد على نفسي الفنان محمد الشقنقيري معرفته بها، وذلك عن طريق فيديو عبر حسابها الرسمي بموقع تبادل الصور والفيديوهات الشهير انستجرام.

تحيا مصر يرصد لكم تصريحات نارية لـ رحيل ذكرى ضد محمد الشقنقيري

رحيل ذكرى ومحمد الشقنقيري

وقالت رحيل في الفيديو: مهما عملت محضر او مليون محضر انا بالنسبالي هو مش طار، ولا بطالب بحق عندك، مع ان ليا حق ومش بطالب بيه، لاني كنت عايزة راجل وانت مطلعتش راجل.

وتابعت: مش محمد الشقنقيري اللي انا اطلع بيه تريند، مين كان بيسمع عنه، هاتولي اي مجلة او مكان بيكتب عنه غير بعد ظهوره معايا؟ هجيب محمد الشقنقيري عشان يطلعني تريند؟ انا اللي طلعته تريند.

وأضافت: انا اجيبلي شاب حلو او مطرب اطلع معاه كموديل واظن انا لا عوجه ولا وحشة عشان مقدرش على ده، ودي مش طريقتي، ومفيش واحدة هتتجوز عرفي في السر وهتفضح نفسها، انا عندي شهود وشهود، وانا على باب الله، ولا كان في دماغي تريند ولا حاجة غلط، وكنت محققة ركن الزواج الاساسي “الاشهار”.

وأردفت رحيل: لو اتجوزت 2 او 3 او 4 دي حاجة ترجعلي، ووالدتي كانت على اتصال بمحمد الشقنقيري، وبلغت والدي ان شقنقيري طلقني، ورسايل شقنقيري مع ماما متسجلة، وبواب العمارة شاهد عليه انه كان بيجي للولاد من وقت للتاني، وشقتي انا وهو كاميرات السيكيوريتي وكل ده بإذن نيابة.

واختتمت حديثها: مفيش واحد عنده زيجة اولى وهيمشي مع واحدة وهيكون مأمنها على صور زي دي، وهو بيبوسها وهو في حضنها ووهو معاها على البحر، وصور زي دي على تليفوني يعني انا شايلة اسمك وانت مأمني، 

انفصال محمد الشقنقيري ورحيل ذكرى

وترجع بداية القصة إلى مشاركة رحيل ذكرى الجدل حول الفنان الشهير محمد الشقنقيري بعدما فيديو عبر صفحتها الرسمية بموقع تبادل الصور والفيديوهات انستجرام، تعلن من خلاله انفصالها عن محمد الشقنقيري، وجاء في الفيديو صور مجمعة لها مع الفنان محمد الشقنقيري، وعلقت على الفيديو، قائلة: “بعلن انفصالي رسمي عن محمد الشقنقيري”.

واحتوى الفيديو على صور لها في أحضان محمد الشقنقيري ووضعيات تبرز مدى قربهما ليس كمجرد صديق وإنما كزوج كما تزعم تلك النجمة، ولكن خرج بعض المقربين من الفنان ونفوا معرفته بهذه الفتاة.