أول تعليق من البرلمان على تمثيل الشوربجي لإنجلترا: «هو اللي خسرنا»

علق النائب علاء عصام، عضو مجلس النواب عن تنسيقية شباب الأحزاب والسياسيين، علي إعلان الاتحاد الإنجليزي للإسكواش، تجنيس المصنف والثالث عالميا حاليا، محمد الشوربجي، للعب تحت علم إنجلترا في المسابقات الدولية القادمة، قائلا: من اختار انجلترا علينا أن نتعامل معه كمواطن إنجليزي.

تحيا مصر

أول تعليق من البرلمان على تمثيل الشوربجي لإنجلترا

وأضاف عصام: صدقوني بكل المقاييس هو اللي هيخسر حضن بلده، أنا اتفهم أنه ياخد الجنسية الإنجليزية دا أمر عادي لكن يلعب باسم دولة تانية فده امر لا يعبر عن أي إحساس بأمان الوطن وفضل مصر علينا كلنا.

وتابع عضو مجلس النواب عن تنسيقية شباب الأحزاب والسياسيين: والله في ناس بقت عبء علي مصر بسلوكياتها وانتهازيتها، مصر وطن يعيش فينا.

 

 

واستكمل عصام: سؤال بسيط هو المجند في الجيش والشرطة الي بيستشهد عشان يحمي بلده وهو اصلا من بيئة فقيرة وراتبة في التجنيد ميزدش عن ١٠٠٠ جنيه والإعلام ميعرفش حاجة عنه ومعندوش وظيفة ولا عارف يتجوز لو فكر مجرد تفكير يتجند في جيش امريكا ويقبض بالدولار سعتها هنقول عليه ايه؟

وتابع: طيب تخيلوا بقي أن دا مشهور ولاعب دولي واتعلم واتربي في وطنه مصر وفجاة عشان بيعاني لأن مصر مدعمتش ننوس عين أمه في الهواية اللي بيمارسها زي مبيدعي فقرر يبيع جنسيته مقابل الدعم.

وأضاف عضو مجلس النواب عن تنسيقية شباب الأحزاب والسياسيين: أنا مكنتش حابب اتكلم كده بس كمية الانحطاط في الدفاع عن هذا الشيء امر مخجل الحقيقة، “خسارة يا مصر احنا فعلا اصبحنا عبء عليكي”.

محمد الشوربجي يمثل إنجلترا في بطولات الاسكواش القادمة

وكان قد أعلن الاتحاد الإنجليزي للإسكواش، أن محمد الشوربجي المصنف الأول عالميا سابقاً والثالث عالميا حاليا،  تم تجنيسه، للعب تحت علم إنجلترا في المسابقات الدولية المقبلة.

وأكد الحساب الرسمي للاتحاد الإنجليزي، أن اللاعب سوف يقوم فى المشاركة بجميع البطولات القادمة تحت علم إنجلترا.