طليقة خالد عليش بعد تصريحه الأخير: معايا الأدلة والتزموا الصمت عشان خاطر بنتي

ردت طليقة خالد عليش على تصريحه الأخير وكذبت ما قاله بشأن قيامها بمنعه من رؤية ابنته نافية كافة هذه الأقاويل، ومؤكدة أنها كانت دائمًا تسمح له برؤيتها، وأن كل ما يقوله مجرد هراء وذلك عبر حسابها بفيسبوك.

تحيا مصر  يرصد لكم رد ميما الشامي على التصريح الأخير لخالد عليش

ميما الشامي ترد على عليش

وكتبت ميما الشامي عبر فيسبوك: “لو في حد محتاج توضيح او هيفهم هي ميما للاسف عمري ماكنت هحكلها حاجة وربنا الشاهد على قراري كنت بحاول  وكل المحاولات فشلت والطرق الودية مكنتش نافعة واقسم بالله العظيم دة اتقلي واتقال لاخواتي واصحابي قضية الروية انا رفعتها عشان اكسرك بس انتي مبتتكسريش”.

وتابعت: “هي الناس اللي بتهاجم وبتتكلم وبتقولو مبروك انا ياجماعة كنت مدياله اكتر من ١١ ساعة وعشان فلوس اعترض على الاستضافة ويشهد ربنا عليا  وعمر مالبنت كملت معاه ٨ ساعات وكان بيرجعها”.

طليقة خالد عليش: الموضوع مليان تفاصيل وبلاش تشهير 

وأردفت ميما: “انا بس عايزة اقلكم ان الموضوع مليان تفاصيل كتير وكل كلامي مع الطرف الاخر مهما كان مين اللي غلط واللي بيعند بلاش  التشهير بلاش نكتب للناس مش هنوصل لحل بلاش عشان ميما، على كلامك ربنا نصرك(مع اني شايفة انك كنت واحد اكتر من الحكم دة بالود)  اتبسط وابعت اي كلام مؤذي ليا وللي حوليا واعمل كل اللي انت عايزه فيا بس في الاخر ميما مش هتعرف  بس لما الناس عرفت اية الفكرة والله مش مستوعبة”.

واستكملت كلامها: “معنديش مشكلة برضو ان الناس تعرف بس ليه، كلامنا في الموضوع دة حقنا احنا التلاته ليه تاخد قرار نيابة عنها وندخلها فيه، لية في مدرستها والنادي من حق كل الناس توقفني تسالني عن صحة اللي بيتقال  لية البنت تسمع كلام عن مامتها وباباها، عشان حد فينا ينتصر ؟ طيب من وجهة نظركم اللي انتصر خلاص انتصر  وبين وجهة نظره، انا اقدر اتكلم واطلع لايف وبرامج ومعايا الادلة بس والله العظيم انا مبفكرش في اني ابان صح ، انا بفكر في بنت ملهاش ذنب من حقها كانت تعيش في سلام بنا  حتى لو حد فينا سيء، مين الصح او مين الغلط ربنا اللي يحكم مش الناس  طبعا انا حاولت اقول الكلام دة للطرف التاني كتير انا بعدت بعدت من زمان قوي وبعدت جدا عن كل حاجة ومش عايزة انتصر ولا اكسب التعاطف يارب كل الناس تقول غلط بس  بعيد عن بنتي”. 

ميما الشامي للصحافة: أرجوكم التزموا الصمت 

وأضافت: “لو بايدي دلوقتي اعمل اي حاجة عشان اسم بنتي ميبقاش متداول بالشكل دة كنت عملت، رجاء وتوسل مني الناس مش عارفين اي حاجة، قرار المحكمة ليس انتصار ومش ضد رغبتي بس للاسف انت خسرت خسرت انه مهما المشاكل كانت بنا كانت هتفضل بنا وكان ممكن يوم تتنسي ومتوصلش لبنتنا، للاسف هتفضل البنت تدفع تمن شهرتك وتراندات اتعملت  عليها، ارجوكم التزموا الصمت عشان خاطرها مش عشاني، واسفة مرة تانية انا مش هعمل اي حوار مش هدي اي تصريح مش هطلع اي لايف ولو بايدي اعمل المستحيل عشان اشيل صور بنتي من الاخبار اللي نزلت عننا، بيتهيالي كدة كل حد كان نفسه في حاجة عملها وكل كان نفسه في حاجة قالها وكل اللي كان عايز يبان انه بيدعم بان كفاية بقى وكل واحد يشوف حاله وحياته وشغله ونفكر بعقل ازاي هتعدي البنت المحنة دة وتبقى سعيدة ومبسوطة مع كل اللي بيحبها وميضرهاش”.

واختتمت كلامها: “وربنا يكتب للجميع الخير ويهدي كل واحد غلط في حقها، تعديل تاني : انا مش هتناقش في امور بنتي عالفيس بوك عشان الكومنت اللي اتكتب، يا جماعة اقرو البوست وافهمو بقول كفاية نقوم  نتفق هيحصل اية في الكومنتات واجي امتى وانا جاي بكرة لاحول ولا قوة الا بالله  هو اللي بيحصل دة حقيقي ولا بيتهيالي، تعديل اخير :ورحمة ابويا ماهيكون عندي رد تاني مهما اتقال واتنشر صور وسكرينات لان واضح ان مفيش فايدة وهتفضل نتكلم ونرد  ونشير ومش هنوصل لخير ابدا، والله كل حاجة ليها رد واثبات وكل كلمة بتتقال مش حقيقية سيباها لربنا يظهر الحق”.