إزاي هتاجر ببنتي؟.. خالد عليش يرد على اتهامات طليقته

علق خالد عليش على اتهامات طليقته ميما الشايب بشأن استغلاله لابنته حتى يتصدر التريند على السوشيال ميديا، بعد تصريحاته بشأن تفاصيل الأزمة بينهم خلال الأيام الماضية.

تحيا مصر  يرصد لكم تعليق خالد عليش هلى اتهامات طليقته ميما الشايب 

تعليق خالد عليش على الاتهامات

وكتب خالد عليش منشور عبر حسابه الرسمي بموقع التواصل الإجتماعي، فيسبوك: الحقيقة أنا مبلم بقالي شوية من ساعة ما قريت ده، ومش مصدق ده محضر معمول فيا من 12 ديسمبر 2022، أنا لسه مكتشفه بعيدًا إن هو بيأكد صدق روايتي، إني مش عارف أشوف بنتي بشكل سليم في الوقت ده، وده اللي خلاني ألجأ للعقد اللي بينا وعمل إلزام بما فرضته نفسها على نفسها، والمحكمة حولته لرؤية في مركز شباب، وبعدها روحت وما كملتش والقصة الطويلة العريضة في البوست اللي فات.

وأردف عليش: بس مش قادر أصدق أن ده محضر أتعمل فيا، مش قادر أفهم يعني إيه خدتها ومأكلتهاش، يعني إيه ما اديتهاش الأدوية، يعني إيه ببعت أشخاص غريبة تجيبها، يعني إيه بتاجر بصورها؟، طب ليه عايز أشوفها؟، طب ليه بعمل كل ده.

أزمة خالد عليش وطليقته 

واختتم خالد عليش كلامه: ده أنا قلبت في الموبايل عشان أشوف في التاريخ ده، يمكن فعلا عملت حاجة تضايق، لقيت إني ماشفتهاش يوم 12 أصلًا، وبعدها بيومين جبتلها هدية عشان الڤلانتين،  في الآخر يتعمل فيا محضر ويتقال عليا الكلام ده من ورايا ليه كل ده، هل يريح الأم وأصحابها إني أطنش وأكبر دماغي، وأسيب البنت وما أشوفهاش خالص، بالمناسبة المحضر ده تم نشره عن طريق الأم مش أنا اللي عرفته لوحدي، أنا بجد مش مصدق وكإن في إصرار إني أنا أطلع وحش وخلاص.. ربنا يهدي.

ومن الجدير بالذكر، أن حصل الإعلامي المصري خالد عليش على حكم قضائي من محكمة الأسرة في مصر، يمكنه من رؤية ابنته 11 ساعة أسبوعياً. 

واستطاع عليش أن يحصل على هذا الحكم عقب فترة خلاف استمرت عامين مع طليقته ميما شامي. وحكمت المحكمة للإعلامي المصري أن يرى ابنته 11 ساعة يوم الجمعة.