خالد عليش يوجه رسالة مؤثرة لابنته: ربنا عالم أنا قد إيه محتاج حضنك

وجه المذيع والفنان خالد عليش رسالة مؤثرة لابنته من زوجته الأولى ميما الشامي، معربًا عن مدى احتياجه لحضنها. 

تحيا مصر يرصد رسالة خالد عليش المؤثرة لابنته. 

خالد عليش وابنته

نشر عليش صورة تجمعه بابنته عبر حسابه الرسمي على موقع تبادل الصور والفيديوهات القصيرة «إنستجرام»، وعلق قائلًا: "ربنا عالم أنا قد إيه محتاج حضنك في أوقات كتير، ربنا يهدي الأمور ويجمعنا على خير".

على الصعيد الآخر، احتفل الإعلامى والفنان خالد عليش، بعيد ميلاده الـ36 برفقة زوجته، حيث كشف عن صور وفيديو من الاحتفال بكيك على شكل "حقيبة دولارات"، وعلق على اللقطات المصورة التى نشرها من خلال حسابه على موقع "إنستجرام"، "22-05-2022، كل سنة وأنا طيب والسنة الجاية شنطة الأخضر تبقى حقيقية ربنا يخليكى ليا يا مرمورة".

أزمة خالد عليش وطليقته

وسبق وشارك المذيع خالد عليش، عبر حسابه على Instagram صورة جمعته بابنته بعد الخلافات التي نشبت منذ فترة بينه وبين والدتها الممثلة ميما الشامي. 

وكتب عليش معلقًا على الصورة: "حاولت أدور على كلام كتير أكتبه على الصورة بس مالقتش عشان مش دايما الكلام بيوصف الإحساس والمشاعر، يارب احفظ بنتي وإبعد عنها كل شر وإعمل لها اللي فيه الخير ويوقف في طريقها أولاد الحلال في حياتي وبعدها إن شاء الله".

من جانبها، يبدو أن ميما الشامي طليقة خالد عليش، لم يعجبها ما كتبه والد ابنتها، حيث كتبت عبر خاصية القصص القصيرة لحسابها على Instagram، الآتي: "عمر ما كان الحب والأبوة، إن أبويا ينزل صورة لينا ويكتب بحبك، عشان الناس تقول الله ده بيحب بنته وحنين، وينسيّ الناس اللي عمله، الأبوة هي الرجولة والحب، إنك متخليش بنتك محتاجة حاجة، لا ماديا ولا معنويا".

أضافت: "الأب اللي بيربي ويكبر ويشقى ويصرف ويشيلها، مش أنسى بنتي وافتكرها كل شهر مرة، أخدها أصورها واستغلها زي ما كان بيستغل أمها، حسبي الله ونعم الوكيل في كل أب بالشكل ده، الأبوة مش سوشيال ميديا، محدش يصدق أي حاجة بتتنشر على السوشيال ميديا مش هي دي الحقيقة".

وكانت ميما الشامي قد كشفت عن خلافات بينها وبين عليش، بعد طلاقهما.

كتبت ميما عبر حسابها على Facebook موضحة أن هناك أزمة بينها وبين عليش بسبب النفقة قائلة: "هو 4000 جنيه في الشهر يكفي بنت في مدرسة انترناشونال وباباها بيقبض 75000 في الشهر، ده غير الإعلانات والايفنتات وإعلانات السوشيل ميديا وطبعا أنا اللي كنت بتفق عالفلوس دي فعارفة من سنة هو كان بياخد كم... يا أما يرفع قضية آداب على أمها ؟! والله في سهرة من السهرات اللي بينزلها وليدفع فيها دة يكفي بنته".

أضافت: "لأن هو اللي خاني وضربني وكنت أنا اللي بعتذر عشان أنا اللي قصرت وهو محترم ومؤدب مع كل الناس إلا أنا ف أنا اللي مش كويسة... واخد فلوسي الراجل مش معترض على فلوسي ومعترف بيها بس مش هيدهالي غير لما أوافق على كل شروطه يا أما الجأي للقضاء".