بعد هروبها من حفل زفافها.. الإعلامية سما أحمد تكشف السبب.. ما علاقة والدتها؟

انتشرت أنباء هروب مذيعة شهيرة من حفل زفافها دون سبب واضح، بشكل واسع على السوشيال ميديا وبدأت المواقع الإخبارية والجمهور يتداولون الخبر ويسعون حول تلك الإعلامية لمعرفة السبب.

تحيا مصر يرصد في ذلك التقرير سبب هربو الإعلامية سما أحمد من زفافها

وخرجت الأعلامية التي ذاع اسمها على مواقع التواصل الاجتماعي “سما أحمد”، لتوضح للجمهور السبب، فقالت في لقاء متداول عبر موقع الفيديوهات يوتيوب: “"والدتي تعبانة من فترة وجاتلها جلطة، والستات المصرية لما بيتعبوا بيحبوا يطمنوا على بناتهم، فقالت ليا يا سما عايزاكي تتجوزي فلان، فقلت لها حاضر لأني عايزة أريحها وتبقى مبسوطة، وكنت عايزة فترة خطوبة بس أمي طلبت الزواج على طول”.

وأضافت سما أحمد: “في 10 أيام اتفقوا هنكتب الكتاب ونجيب الفستان ولقيت نفسي بتجوز وأنا ماتكلمتش معاه ساعتين على بعض.. أنا مش عايزة أزعلها وأضايقها، فقلت حاضر هضغط على نفسي عشان أشوف الفرحة في عينها لأنها مريضة والحالة بتدهور”.

لحظة هروب سما أحمد من حفل زفافها

وكشفت سما أحمد عن لحظة هروبها من حفل زفافها، فقالت: "أنا مخطوبة من بني آدم أول مرة يقعد جنبي، وأول مرة هيمسك إيدي، والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة، وسبحان الله المأذون اتأخر، ولما المأذون جه، وبيكتب القسيمة قمت قولتله قدام الناس أنت شخص محترم وجميل وفيك كل الصفات الحلوة، أنا آسفة أنا مش قادرة أكمل".

وتابعت: “ "أخدت فستاني ومشيت ومش قادرة أواجه حد، الدنيا اتقلبت وقالوا هربت، بس أنا مهربتش ولا عملت دا عشان أركب التريند، مش هركب التريند على حساب نفسي".

الإعلامية سما أحمد

جدير باللذكر أن الإعلامية سما أحمد، مقدمة برنامج حكاية كل باب، نجحت خلال الفترة الماضية، في تحقيق نجاحات إعلامية كبيرة، عقب تفجيرها عددًا من القضايا الاجتماعية الهامة، لا سيما التي تخص الأسرة المصرية.