متقدملي عريس وهذا هو عدد زيجاتي وسبب إصابتي بجلطة.. أبرز تصريحات ليلى غفران في برنامج كلام الناس

فجرت الفنانة المغربية ليلى غفران عدد من التصريحات النارية خلال حلولها ضيفة على برنامج كلام الناس الذي تقدمه الإعلامية ياسمين عز عبر فضائية Mbc في الثانية عشر بعد منتصف الليل. 

ويرصد لكم تحيا مصر ملخص تصريحات ليلى غفران في برنامج كلام الناس

تصريحات قوية للفنانة ليلى غفران

تحدثت ليلى غفران عن أمور عدة خلال لقائها ببرنامج كلام الناس، فتطرقت لرفض والدها أن تدخل عالم الفن وتحدثت عن ابنتها الراحلة وسبب ابتعادها عن الوسط ونستعرضها في السطور التالية: 

• غايبة لأن الوسط اتغير وبقى شكله غريب عليا وكنت حاسة أني في غيبوبه ورجعت 

• حصلي جلطة في المخ سببتلي شلل كامل وعانيت كتير وجاتلي بسبب التراكمات لأني مبعرفش اغضب 

• كنت في غيبوبة وربنا هو اللي صحاني وكنت كأني طفلة وقتها

• بنتي نغم اللي كانت واقفة جمبي في أزمتي المرضية وتعبتها كتير لأنها كانت بتشلني وتحطني

• بابا كان رافض أغني لأني من عائلة متدينة فسافرت فرنسا غنيت هناك وهو فاكر أني بدرس 

• أنا اسمي جميلة وغيرته عشان بابا ميعرفش أني أنا اللي بغني 

• اللي جابني مصر بليغ حمدي ومحمد الموجي 

• أغنية بودعك بتاع وردة كنت المفروض أنا اللي أغنيها

• لما رجعت بأغنية اسهلهالك مطربة كلمتني أولها حرف الشين مضايقة وبتقولي أنتي بترجعي تبوظلنا الدنيا وتعملي بوم

• اتخانت وشوفت بعيني بس سامحت عشان ربنا بيسامح

• اتقدملي عريس قريب وصاحبتي قالتلي يلا اتجوزي عشان متقعديش تتكلمي مع نفسك بس أنا اكتفيت 

•اتجوزت 5 وأساميهم بدأت تروح مني

• الحاجة اللي مبتفارقش شنطتي صورة هبة بنتي الله يرحمها ودايما اتكلم عنها كأنها موجودة

• مع عمليات التجميل طبعا لأنها واقع 

•بسمع مهرجانات وبحب مروان بابلو اوي

• بعشق النقشبندي وبصلي لأن الصلاة بتريح الجسم والعقل

• وائل الإبراشي أطيب وأحن وأنضف شخص