دخلت في 30 علاقة وكنت بشرب في المعهد.. تصريحات قوية لـ علاء مرسي

حل الفنان علاء مرسي ضيف حلقة 17 رمضان من برنامج وراء الشمس مع الإعلامية أميرة بدر، المذاع عبر شاشة قناة الشمس في تمام الساعة 10 مساءً، والذي صرح العديد من التصريحات النارية التي يرصدها لكم  تحيا مصر  وذلك خلال السطور القادمة

- انا بدأت مع جيل العظماء واشتغلت في فترة لنهضة الفنية

- اشتركت في اول سيت كوم واتحسبت في جيل المضحكون وانا عمري ما صنفت نفسي كومديان

- ضد فكرة تصنيف سمير غانم كوميديان عشان اتعرض عليه أدوار مركبة واثبت فنه

- بحب طارق لطفي بدأ معايا في ليالي الحليمة هو وخالد النبوي

-  خالد النبوي أكثرنا ذكاء وإدارة

- أنا لا أجيد إدارة موهبتي

- أنا ندمان على مشهد ماما حلوة

- بعطل وبسأل دايما ليه ماليش دور مساحتها كويسة واتعودوا ان علاء بقى سهل

- بيقولوللي يا علاء اصل الدور ده المخرج شايفك فيه احسن

- محصلش معايا زي محمد سعد لما عمل بشخصية اللمبي فيلم

- نورت مع محمد هنيدي في عندليب الدقي واستنيت اعمل فيلم بشخصية الدكتور ده 

- انا عندي مشكلة في الطلب وممكن اطلب لغيري بس ليا معرفش

- حياتي مستقرة بس فنيا مأثر على الحياة الشخصية

- انا عصبي عشان مش مبسوط و24 ساعة بفكر في الشغل

- لو معنديش تصوير بقعد اكتب وبنفعل عليهم كتير في البيت 

- بدخل اوضتي كتير جدًا لوحدي وبحب اقعد في البيت وبسافر 

- سافرت سوريا قعدت سنة ونص وظلمت مراتي عشان بصباص شوية

- بحب أعيش قصص حب وشوية بنصرف ودخلت في مش أقل من 30 علاقة

- صرفت كتير على الستات بس اصدق علاقة عندي هي علاقتي بمراتي

- مراتي استحملت عشان بتحب علاء جدًا وهيلف يلف ويرجع

- بقالي 5 او 6 سنين معرفتش ست عليها ومش بستفاد حاجة غير تضييع وقت وتضييع فلوس

- انا مش بدخل في حاجة حرام هي بتبقى كلمتين ومشاعر وخروجة

- كنت زمان خالص وانا طالب في المعهد بشرب

- بعد موت علاء ولي الدين اقلعت عن كل حاجة وحسيت ان الشرب وهم وملوش لازمة

- المهنة بتاعتنا عايزة تركيز شديد وانا اللي في قلبي على لساني واجتماعي 

- بلوم صحابي اللي مش بيسألوا وبروحلهم 

- عاصرت أجيال زي محمود عبد العزيز وأحمد زكي وفاروق الفيشاوي 

- كنت في شلة مطربين محمد منير، على الحجار ومدحت صالح

- أقرب صحاب ليا كانوا اشرف عبد الباقي وعلاء ولي الدين 

- أولاد الفنانين بيتورطوا أن ابوههم نجم وممثل 

- ابني لاقيتة مش ممثل كويس بس لاقيته مخرج كويس

- احمد فاروق الفيشاوي موهبة كبيرة وظلم نفسه في الميديا والسوشيال 

- مهنتنا مهنة شمس مضيئة على الشخص

- دنيا سمير غانم بالنسبالي موهبتها متكاملة 

- محمد عادل امام موهوب وزكي يرث من الزعيم زكائه

- عادل امام ازكاهم واشتغلت معاه عمل واحد وبالصدفة وجيت بديل هنيدي

- اتمنى اشتغل مع عادل امام تاني لو هقف بس متكلمش

- الزعيم لما بيقابلني بيقولي انت بتروح فين ورأيه فيا اني ممثل كويس 

- قربت من عادل امام على المستوي الشخصي عشان مصطفى متولي وكنت بشوفه كتير

- قولت السقا مبيسألش عليا، وكلمني قولتله مبتسألش عني ليه يا احمد 

- قالي مبتسألش ليه انت قولتله بحاول اوصلك بس مش عارف

- مكنش ينفع مها أحد تطلع تقول كده وليه ندت عليهم في الإعلان

- محدش مطالب يشغل حد ومها أحمد ممثلة ونجمة وموهوبة

- مفيش حاجة اسمها نمبر وان في العالم كله مفيش نمبر وان

- عادل امام ممكن يعمل فيلم يبقى فيه نمبر 1 وفيلم تاني لا

- محمد رمضان: ممثل عظيم ولابد الحفاظ عليه مش بالعربيات اللي بيطلع بيها

- في قسمين في الوسط الفني عن رمضان جزء مش شايف انه يستاهل، وانا شايف انه يستاهل

- وكان نفسي اشوف محمد رمضان في الاختيار ميبقاش في حفلات وأغنية

- شوفت لرمضان مشهد في مسلسل على قهوة من 5 سنين الناس كانت بتشجع كأنه ماتش كورة 

- بتضايق من تعليقات رامز على الضيوف وهو بيعمل كده عشان يسيطر على الناس وكان اسلوب مش صح

- في ناس بتبقى عارفة ان في مقلب، بس انا في نص البرنامج حسيت ان ده مقلب

- وافقت أروح لرامز عشان مهزأنيش ومخدتش فلوس كتير منه

- اللي بيطلع مع رامز مش وحش والبرامج دي مباحة 

- مشوفتش ولا حلقة من رامز السنادي بس عجبني التريلر

- لو حد قالي عندك فيلم مع فاندام هيبقى في رولز وهيبقى في تساؤل وحاجة غلط 

أزمة المكالمة المسربة لـ علاء مرسي

- من 3 شهور محتاج ورقة عشان حطيت فلوس في البنك وجبت عربية وروحت سددت ومش فاهم اني لازم اخد من 15 لـ 20 يوم عمل عشان مخالصة

- وكنت كل يوم بكلم خدمة العملا وبقالي 15 يوم بحكي ويتقالي بكره 

- حطيت الفلوس وبضمان الفلوس اخد عربيات وسددتها وعايز المخالصة

- اللي سرب المكالمة هو الموظف دي

- الموظف ده بعتلي مرة رسالة قالي نفسي اكلمك وانت وش السعد عليا 

- معملتش محضر عشان اكتشفت اني اقاضي البنك المركزي

- في رجال اعمال ليهم تسريبات فظيعة بس متسربتش 

- اضايقت ان الناس شافتني في الصورة دي

- المكالمة دي قلبت مع الناس كوميدي

- في يوم من الأيام فكرت اعمل فيلم تاريخي والبطل فيه انطونيو بانديرس ووافق وفجأة مفيش حاجة تمت 

- اشتريت ورق رواية نجيب محفوظ سنة 2004 او 2005 وكنت عمله انا وعلبة كامل وكام حد

- خدوا الفيلم عرضوه على شركة كبيرة وعمر عبد العزيز قالي مفيش فيلم روحت رايحلهم واللي وقف الموضوع  هنيدي

- اشتغلت في سوريا بعض الأعمال السورية مع نورمان أسعد

- نجحت برا مصر مخرج وأنتجت الحوت الأزرق 

- معنديش ورشة تمثيل دي شركة كنت شغال مدرب فيها 

- عملت مشروع تمثيل في 13 محافظة واكتشفت 5000 وشوية موهوب منهم شيماء مغربي

- اشرف عبد الباقي كان بيعمل مشروع تجاري في مسرح مصر

- محمد صبحي حر في انتقاد مسرح مصر بس اشرف رجع المسرح تاني 

- هنيدي أعلى من علاء ولي الدين وأجري لا يتناسب مع تاريخي

- لا كلمت اشرف زكي ولا غيره بس دي حاجة غلط بس انا متعلمتش كده واتربينا في المعهد كده 

- نجحت في الإخراج داخل مصر

- هعمل مسلسل استعراضي غنائي قريب 

- اتحسدت ومكنتش بداري على شمعتي 

- في شيخ أزهري قالي انت معمولك حاجة بوقف الحال

- مهم نقرا قران كتير ونقرب من ربنا اكتر وقالهولي من 3 سنين 

- شخصيتي جديدة في ملف سري، والصحافة كلمتني على الشخصية

فقرة بين خيارين مع علاء مرسي

احمد الجندي أم معتز التوني؟ احمد الجندي

احمد فهمي خسر كتير بانفصاله عن شيكو وهشام؟ صح، كانوا دماغ مكملة لبعض

احمد حلمي ولا كريم عبد العزيز اللي بيضحكك اكتر؟ كريم عبد العزيز بغير من ادائه وبقول ايه الجمال ده

اكتر حد اذاني في الوسط الفني؟ انا 

- بقول لولادي متجاملش وحب نفسك 

- مجالنا لازم اتواضع في كل حاجة إلا شغلك ادخل اللوكيشن اسأل عن الكرفان قبل السيناريو 

- مهنة الفن الانا وبعدي الطوفان 

افضل من قدم دور الظابط السقا أم كرارة؟ السقا

- علاء ولي الدين: ده من احباب ربنا رجل من اهل الله خير وذاكر لربنا ومستغفر واعمال الخير بتاعته عجيبة الشكل 

- ضد كلام أخوه ان جثته متحللتش عشان هتثير الجدل

- علاء ولي الدين بعد ماتوفي كان في 4 او 5 جم لوالدته عشان كان بيسدد لهم فواتير التاكسي 

- ام علاء ولي الدين كانت بالنسباله الروح بتاعته 

- علاء ولي الدين عشق وحب سماح أنور وهي كمان حبته ومن جواها ملاك بني ادمة نضيفة جدًا 

- علاء ولي الدين كان دايما يقول انا مش هقعد كتير وكان بيتكلم عن الموت

- ولي الدين مكنش بتاع دنيا ولما عمل فيلم ابن عز ومنجحش مكتأبش

- اشرف عبد الباقي المكافح بتاعنا ومعندوش مستحيل وناصح امين

- اشرف عملي وبيفكر وصاحب مشاريع وانا بفكر بس مش عملي زيه

- محمد رمضان اتمنى ماشوفوش في الطيارة اشوفه في اللوكيشن ومهم اختياراته تاخد شكل تاني

- في غيره واستكتار نعمة على محمد رمضان وفي جزء تاني ناس بتحبه

- صلاح عبد الله ابونا وعمنا الكبير وصاحب القلب الطيب

- هو مش اكبر مننا بكتير لان هو مدينا احساس بابا جه وانا وعلاء واحمد ادم كنا بنحب ننكشه

- حنان ترك حبيبة عمري وصديقتي وعشرة عمري، مفيش تواصل بينا غير على تويتر ساعات 

- النازع  الديني عند حنان ترك قوي وهي تأثرت بعلاء ولي الدين في المنطقة دي

- صلاح السعدني مثلت معاه ليالي الحلمية وحسسني اني صاحبة وعشرة عمرة 

- عملت معاه شارع المواردي وكان بيخش اللوكيشن يدور عليا وبسميه العمدة 

- محمد سعد ممثل عقبري وعظيم اتمنى اشوف موهبتك اللي احنا عارفينها كويس في عمل مهم على التلفزيون 

- محمد سعد محتار يطلع من الشخصيات ولا يفضل فيها 

- شريف عرفة خرجه غصبا عنه وعملنا الكنز

- محمد سعد لازم يخرج نفسه ولا يقل عن ممثلين برا 

- قولت قبل كده خايف اموت مديون اني جرحت حد 

- اللسان جلاب الديون والظن كمان 

- كل يوم على السوشيال ميديا بنعمل كل ده

- اخاف اموت مديون فلوس ومش مديون ماديًا خالص وولادي عايشين كويس جدًا 

- عايز اعمل فيلم الجوكر عملته ولاقى نجاح

- شافه المخرج أحمد الجندي وعادل أديب ومخرج كويتي قالي انا عايز انتجلك الفيلم ده والسيناريو موجود معايا 

فجعة وفاة نجله

- كان ابن مراتي، وجزء منه وموته كسرني وكسر اخواته، وحسسهم بالفقدان وكانت صدمة، اتوفى عنده 21 سنه وكان شاب ناجح وفي هندسة وزكي

- بقيت خايف على ولادي، بقى همي كله اني خايف يجيلهم برد، الموضوع ده خبطني

-وصدمتي الكبيرة في موت والدتي عشان كانت الام والاب وكنت مرتبط بيها جدا، لما فقدتها حسيت ان في فراغ كبير