خالد عليش يستغيث من قانون الحضانة: «في أم ظالمة بتبهدل عيالها»

فاجيء الفنان والمذيع خالد عليش متابعيه وجمهوره بمنشور جديد يستغيث به من قانون الحضانة بقانون الأحوال الشخصية.

تحيا مصر يرصد استغاثة خالد عليش من قانون الحضانة

خالد عليش وقانون الحضانة

كتب الفنان خالد عليش عبر صفحته الشخصية بموقع التواصل الاجتماعي “فيسبوك”: “قانون الأحوال الشخصية محتاج تعديل يضمن حق الست والرجل وقبلهم الأطفال.. لو عمل درامي ناقش حالة واحدة بظروف معينة، في حالات تانية كتير مظلومة ومتبهدله سواء ستات أو رجالة”.

وأضاف: “إحنا زي ما بنتكلم على أب ظالم مبهدل عياله عشان يذل طليقته، في أم ظالمة بتبهدل عيالها عشان تذل طليقها اللي ساب جنتها وخلع ويتعاقب باقي حياته، حتى لو هي اللي طالبة الطلاق.. حق الولاية و الحضانة لازم تكون مشتركة بين الأب والأم”.

وتابع: “إزاي أب هيربي أولاده و القانون بيديله بس أنه يشوفهم كم ساعة في الأسبوع في مكان عام ومش من حقه ياخدهم و يخرجهم أو يسافر معاهم، إزاي الطفل أصلاً هيبقي في علاقة طيبة بينه و بين والده و هو مش بيشوفه غير ساعتين في الأسبوع والأم طول الأسبوع بتسمعه كلام وحش بشكل مباشر أو غير مباشر عن باباه و جده و جدته”.

طليقة خالد عليش

واستكمل تعليقه: “لازم الطفل يعيش مع باباه ومامته مشتركين، لازم الطفل يسافر مع باباه ومامته وبتفسح معاهم هما الاتنين.. لازم الأب يكون عنده الحق يدخل لابنه المدرسة ويتناقش مع المدرسين و يروح الطفل أوقات ويمارس دوره كأب مش يمنعوه من ده.. اتقوا الله في أطفالكم”.

اقرأ أيضًا

مسلسل مكتوب عليا الحلقة 15.. جلجل يتزوج سلمى ورقية بنفس الوقت

واختتم كلامه: “أوعو تشجعو أم مانعة الأب يشوف أولاده بحجة إنه هيخطفهم ولو عايز تشوفهم تعالى أقعد في بيت اهلي تتفرج عليهم من بعيد عشان متاخدش الطفل وتهرب أو استخدم حق الرؤية و شوف الطفل زي المسجون اللي مستني الزيارة”.

جدير بالذكر أن الفنان خالد عليش كان متزوج من الفنانة ميما الشامي وتطلقا بعد أن أنجبا طفلة، ومتزوج حاليًا من الإعلامية ميرهان عمرو.